ఇలా కెమెరాకు చిక్కిన.. కేంద్రమంత్రి వ్యక్తిగత సిబ్బంది..

Posted: 11/07/2017 02:57 PM IST

ఎన్ని విమర్శలోచ్చినా.. ఎందరేమన్నా.. నీవు మాత్రం నీ సిబ్బందితో చేయించు చెప్పులు మోయు పనులను అన్నట్లు కేంద్రమంత్రులు తమ సిబ్బందితో ఈ పనులను చేయిస్తున్నారు. ఇప్పటికే మధ్యప్రదేశ్ సీఎంను వరద ప్రభావిత ప్రాంతాల్లో మోసుకెళ్లిన వైనంతో పాటు అనేక కేంద్రమంత్రులు తమ చెప్పులను వ్యక్తిగత సిబ్బందితో మోయించి వార్తల్లొ నిలిచారు. విమర్శలు రావడం.. అవమానంగా తోచడంతో దానికి సారీ అనో లేక అలా కాదు అసలేం జరిగిందంటే అనో సంజాయిషీలు ఇచ్చుకున్నారు.

ఇక తాజాగా, కేంద్ర గిరిజన వ్యవహారాల శాఖ మంత్రి జువల్ ఓరం తన వ్యక్తిగత సిబ్బందితో తన బూట్లు మోయించి మరోసారి వివాదంలో చిక్కుకున్నారు. తన వ్యక్తిగత కార్యదర్శితో, రాయగడ జిల్లాలో శివాలయం వద్ద షూస్‌ మోయించిన ఘటన కెమెరాలో చిక్కింది. ఈ వీడియో ఫుటేజీలు బయటికి రావడం తీవ్ర చర్చనీయాంశమైంది. ఈ ఫోటోలు అటు సోషల్ మీడియాలో కూడా అప్ లోడ్ కాగా, వాటిపై నెట్ జనులు ఒక్కక్కరు ఒక్కో విధంగా స్పందిస్తున్నారు.

మంత్రి జువల్ ఓరంతో పాటు సీనియర్ నేతలు పార్టీ వర్కర్ల సమావేశానికి హజరు కావడానికి వెళ్లారు. ఈ సమావేశం ఏర్పాటు చేసిన కమ్యూనిటీ హాల్ కి దగ్గర్లో శివాలయం ఉంది. సమావేశ వెన్యూకి వెళ్లడానికి ముందు, మంత్రి, నేతలు, ఇతర అధికారులు, వారి కాళ్లకు వున్న బూట్లను, చెప్పులను ఆలయానికి బయట విడిచి దేవాలయ దర్శనానికి వెళ్లారు. దేవుడిని దర్శించుకున్న అనంతరం లీడర్లు, వర్కర్లు తమ బూట్లు వేసుకొని కమ్యూనిటీ హాల్ కు బయలుదేరారు.

ఈ క్రమంలో మంత్రి ఓరం మాత్రం ఆలయం నుంచి అక్కడే వున్న కమ్యూనిటీ హాలులోని సభావేదిక వద్దకు ఒట్టి కాళ్లతో నడుచుకుంటూ వెళ్లారు. ఆయన పీఏ మాత్రం మంత్రి గారి షూస్‌ పట్టుకుని, వెనక్కే నడుచుకుంటూ వెళ్లాడు. కమ్యూనిటీ హాల్ వద్ద మంత్రి తన షూస్ వేసుకుని, సమావేశానికి హాజరయ్యారు. సకాలంలో తన బూట్లను తీసుకురాలేదన్న రివెంజ్ ను మంత్రి ఫీఏపై తీర్చుకున్నారని ఒకరు.. ఓరాం సాబ్ కు ఇది అలావాటేనని, మరింంత కోసం వస్తే ఏకంగా కొట్టేస్తారని కొందరు.. అధికారంలో వుంటే ఇలా చేయపపోతే ఎలా అంటూ ఇంకోందరూ నెట్ జనలు కామెంట్లు ఇస్తున్నారు.