ITEMVIDEOS: రాహుల్ తో సెల్ఫీ కోసం యువతి సాహసం

Posted: 11/01/2017 08:13 PM IST

ఎన్నికల నేపథ్యంలో అధికార, ప్రతిపక్ష పార్టీల ప్రచారంతో గుజరాతh హోరెత్తుతోంది. ఇవాళ ఎన్నికల ప్రచారంలో భాగంగా భరూచ్ లో కాంగ్రెస్‌ నిర్వహించిన రోడ్ షోలో ఆ పార్టీ జాతీయ ఉపాధ్యక్షుడు రాహుల్ గాంధీ పాల్గొన్నారు. ఓపెన్‌ టాప్ వాహనంపై ప్రజలకు అభివాదం చేస్తూ.. ముఖ్యమైన సెంటర్లలో కేంద్ర ప్రభుత్వంపై విమర్శలు గుప్పిస్తూ ర్యాలీని కొనసాగించారు. అయితే రోడ్ షో కొనసాగుతుండగా.. ఓ యువతి రాహుల్‌తో ఫోటో దిగేందుకు చాలా ప్రయత్నాలు చేసింది.

ఇది గమనించిన రాహుల్ గాంధీ.. తాను ప్రయాణిస్తున్న ఓపెన్‌టాప్ వాహనంపైకి యువతిని అనుమతించారు. సెక్యూరిటీ గార్డ్స్ సాయంతో వాహనంపైకి ఎక్కిన సదరు యువతి.. రాహుల్ లో సెల్ఫీ తీసుకుంది. అంతేకాదు.. ఆ సంతోషంలో.. రాహుల్‌ గాంధీ భుజంపై చేయి వేసి.. ఫోటోలకు ఫోజులిచ్చింది. అనంతరం రాహుల్.. తనదైన శైలిలో యువతికి షేక్ హ్యాండ్ కూడా ఇచ్చారు. ఆ తరువాత.. తన వాహనంపై నుంచి ఆ యువతిని జాగ్రత్తగా కిందకు దించారు.