క్రికెటర్ యువరాజ్ సింగ్ పై గృహహింస కేసు

Posted: 10/18/2017 12:43 PM IST

న్యూజీలాండ్ తో స్వదేశంలో జరుగుతున్న సిరీస్ కు తాను ఎంపిక కాకపోవడం.. ఈ సందర్భంగా నిర్వహించిన ఫిట్ నెస్ టెస్టు యో యోలో తాను విఫలం కావడంతో తీవ్రంగా కలత చెందిన డాషింగ్ క్రికెటర్ యువరాజ్ సింగ్ పై గృహహింస కేసు నమోదైంది. ప్రముఖ రియాలిటీ షో బిగ్ బాస్ లో పాల్గోన్న అకాంక్ష శర్మ యువరాజ్ సింగ్ పై ఈ మేరకు కేసు నమోదు చేసింది. అదేంటి అమె యువరాజ్ పై కేసు పెట్టడమేంటి అంటారా..? అమె మరోవరో కాదు.. బిగ్ బాస్ పదో సిజీన్ లో పాల్గోని బయటకు వచ్చిన అకాంక్ష శర్మ.. స్వయంగా యువరాజ్ సింగ్ సోదరుడు జరోవర్ సింగ్ భార్య.  

ఈ మేరకు ఆకాంక్ష శర్మ తన భర్త సహా అత్తపై కూడా కేసు నమోదు చేసింది. అయితే వారికి యువరాజ్ కూడా మద్దతు పలుకుతున్న నేపథ్యంలో ఆయన పేరును కూడా చేర్చామని ఆకాంక్ష తరఫు న్యాయవాది స్వాతి సింగ్ మాలిక్ వెల్లడించారు. తనకు మరో బిడ్డ కావాలని తన భర్త తనను నిత్యం వేదింపులకు గురిచేస్తున్నాడని, తన క్లయింటు ఆకాంక్ష.. తన భర్త జరోవర్, ఆయన తల్లి షబ్నం లపై కేసు నమోదు చేసిందని సమాచారం. స్పాట్ బాయ్ అనే ఎంటర్ టైన్మెంట్ పోర్టల్ ఈ విషయాన్ని వెలుగులోకి తీసుకురాగా, ఈ విషయమై తాను ఈ నెల 21న జరగనున్న కొర్టు తొలి విచారణలో మాట్లాడతానని అకాంక్ష తెలిపిందని కూడా పోర్టల్ ప్రచురించింది.

లు ఒత్తిడి తెస్తున్నారని, ఈ విషయంలో యూవీ తన కుటుంబీకులకు మద్దతు తెలుపుతుండటంతోనే ఆయన పేరును చేర్చినట్టు తెలిపారు. కేవలం శారీరక హింస కింద మాత్రమే గృహహింస చట్టాలను నమోదు చేయరని, మానసిక, ఆర్థిక ఒత్తిడి తెచ్చినా ఈ సెక్షన్లను చేర్చవచ్చని అన్నారు. కాగా, ఒక కుమారుడిని కలిగున్న జరోవర్, ఆకాంక్ష జంట, విడాకులకు నిర్ణయించుకుని, బిడ్డ సంరక్షణ బాధ్యతలపై కోర్టును ఆశ్రయించి ఉన్న సంగతి తెలిసిందే. ఇటీవల తమ డబ్బుతో ఆకాంక్ష కొనుగోలు చేసుకున్న నగలను తిరిగి ఇప్పించాలని షబ్నం పోలీసులకు ఫిర్యాదు చేసిన సంగతి తెలిసిందే.