ఏపీ డీజీపీగా సాంబశివ రావు కొనసాగింపు

Posted: 10/18/2017 09:03 AM IST

రాష్ట్ర డైరెక్టర్ జనరల్ ఆఫ్ పోలీస్ గా సాంబశివ రావును కొనసాగించాలని ఆంధ్ర ప్రదేశ్ ప్రభుత్వం నిర్ణయించింది. బుధవారం ఉదయం ఈ మేరకు ఉత్తర్వులు జారీ చేసింది. ఈ నిర్ణయంతో ఆయన మరో రెండేళ్లపాటు ఏపీ డీజీపీగా కొనసాగనున్నారు.

గతేడాది జూలైలో ఆయన ఇన్ ఛార్జీ డీజీపీగా బాధ్యతలు స్వీకరించిన విషయం తెలిసిందే. దీంతోపాటు ఐదుగురు అధికారుల పేర్లను యూపీఎస్సీకి పంపింది ఏపీ ప్రభుత్వం. పనితీరు సామాజిక వర్గ కోణంలో ఆయనకు మళ్లీ అవకాశం ఇవ్వాలని నిర్ణయించినట్లు ప్రభుత్వ వర్గాల సమాచారం.

ఇదిలా ఉంటే తెలంగాణలో మాత్రం కొత్త డీజీపీ నియామకం ఖాయంగానే కనిపిస్తోంది. ప్రస్తుత డీజీపీ అనురాగ్ శర్మ పదవీకాలం వచ్చే నెలతో ముగియటంతో టీ సర్కార్ కసరత్తులు మొదలుపెట్టింది. ఇప్పటికే ఐదుగరి పేర్లతో ప్రభుత్వం జాబితా సిద్ధం చేసినట్లు సమాచారం.