ఎన్ కౌంటర్.. ఇద్దరు జవాన్లను చంపేశారు

Posted: 10/11/2017 09:51 AM IST

సరిహద్దులో మరోసారి హోరాహోరీ కాల్పులు జరుగుతున్నాయి. బుధవారం ఉదయం బందిపోరా సెక్టార్ లో బీఎస్ఎఫ్ జవాన్లు, ఉగ్రవాదుల మధ్య హోరాహోరీ కాల్పులు జరుగుతున్నాయి. ఉగ్రవాదులు దాక్కున్నారన్న సమాచారంతో మన జవాన్లు తనిఖీలు ప్రారంభించారు.

దీంతో ఉలిక్కిపడ్డ ఉగ్రవాదులు ఎదురు కాల్పులు ప్రారంభించారు. ఈ క్రమంలో ఇద్దరు జవాన్లను ఉగ్రవాదులు కాల్చి చంపారు. ప్రతిగా రంగంలోకి దిగిన జవాన్లు ఇద్దరు ఉగ్రవాదులను కాల్చిపడేశారు. అనంతరం ఒక ఉగ్రవాదిని అదుపులోకి తీసుకుని విచారిస్తున్నారు. అయితే ముగ్గురిని అరెస్ట్ చేసినట్లు కొన్ని మీడియా ఛానెళ్లు ప్రసారం చేస్తున్నాయి. స్పష్టమైన సమాచారం అందాల్సి ఉంది.