అగ్రారాజ్యంపై విరుచుకుపడతామని ఓ వైపు హెచ్చరికలు చేసిన ఇస్లామిక్ స్టేట్ ఉగ్రవాద సంస్థ.. సాంస్కృతిక కార్యక్రమాలు జరుగుతున్న లాస్ వెగాస్ ను టార్గెట్ గా చేసుకుని.. అక్కడి మాండలే బే రిసార్ట్ లో కార్యక్రమాలు జరుగుతున్న క్రమంలో హాజరైన అహుతులపై తూటాల వర్షం కురిపించి ఘటన అగ్రరాజ్యం చరిత్రలో ఇదే అత్యంత ఘోర మారణకాండ. ఏకంగా 58 మంది ప్రాణాలను బలితీసుకోగా, 515 మంది ఈ దారుణమారణకాండలో క్షతగాత్రులయ్యారు. వీరిలో అనేక మంది పరిస్థితి విషమంగా వుంది. దీంతో మృతుల సంఖ్య మరింత పెరిగే అవకాశం వుంది.
ప్రముఖ సంగీతకారుడు జేసన్ అల్డీన్ పాడుతున్న గీతాలకు వీక్షకులు లయబద్ధంగా ఆనందంగా స్టెప్పులేస్తూ సంతోషాంలో మునిగి తేలుతున్న క్రమంలో తూటాలు దూసుకొచ్చి అక్కడున్న వారి దేహాల్లోకి దూసుకెళ్లాయి. పది సెకన్ల పాటు విరామం లేకుండా భారీ ఎత్తున తూటాలు దూసుకొచ్చాయని ప్రత్యక్ష సాక్షులు తెలిపారు. నేలపై పడినవారు నేలకు అంటుకుపోయేలా కాల్పులు జరిగాయని ప్రత్యక్ష సాక్షులు తెలిపారు. పది సెకన్ల అనంతరం కొన్ని సెకన్ల విరామం ఇచ్చి మళ్లీ కాల్పులు చోటుచేసుకున్నాయని వారు తెలిపారు. దీంతో కాన్సర్ట్ చూసేందుకు వచ్చినవారు పరుగులు తీశారు.
ఈ నరమేధం సృష్టించిన స్టీఫెన్ క్రెయిగ్ పాడ్డాక్ (64) కు సంబంధించిన వివరాలన్నింటినీ అగ్రరాజ్యం పోలీసులు సేకరించారు. వయస్సు మీదపడి ఉద్యోగ విరమణ చేసిన అనంతరం కృష్ణా రామా అంటూ ఇంట్లో కూర్చోవాల్సిన వయోవృధ్దుడు ఈ దారుణమారణ కాండను సృష్టించడానికి గల కారణాలను కూడా పోలీసులు అన్వేషిస్తున్నారు. మాండలే బే రిసార్ట్ కు ఈశాన్యంగా 130 కిలోమీటర్ల దూరంలో ఉన్న మెస్ క్వీట్ లో పాడ్డాక్ నివాసముంటున్నాడు. ఇక్కడ రిటైర్ అయినవారు నివాసముండే ప్రాంతంలో అతను కూడా నివాసముండడం విశేషం. అతని మృతదేహం వద్ద లభించిన ఆధారాల ప్రకారం తనిఖీలు చేసిన పోలీసులు అతనికి ఎలాంటి నేరచరిత్ర లేదని నిర్ధారించారు. అయినా అతను ఈ మారణకాండకు ఎలా పూనుకున్నాడన్నదే పోలీసులకు అర్ధంకాని ప్రశ్న.
పాడ్డాక్ పాటు మారిలో డాన్లే అనే మహిళ కూడా ఉంటోందని, అయితే ఆమె ప్రస్తుతం ఫిలిప్పీన్స్ లో ఉంటుందని, ఆమెతో తాము మాట్లాడామని వెల్లడించిన పోలీసులు అతని గదిని పరిశీలించగా, భారీ ఎత్తున తుపాకులు, తూటాలు బయటపడ్డాయి. పాడ్డాక్ కు హంటింగ్, ఫిషింగ్, పైలట్ లైసెన్సులు ఉన్నాయని పోలీసులుతెలిపారు. అలాగే అతనికి రెండు చిన్నపాటి విమానాలు కూడా ఉన్నాయని తెలిపారు. 1980ల్లో లాక్ హీడ్ మార్టిన్ లో ఇంటర్నల్ ఆడిటర్ గా మూడేళ్లపాటు పనిచేసినట్టు గుర్తించారు. కాగా తమ సోదరుడికి ఎలాంలి మతతత్వ శక్తులతో సంబంధం లేదని ఉన్మాది సోదరుడు తెలిపాడు.
తన సోదరుడు చాలా మంచివాడని, లాస్ వెగాస్ లో జరిగిన మారణకాండకు తమ సోదరుడే కారణమంటే నమ్మలేకపోతున్నామని చెప్పాడు. ఈ మారణకాండ నేపథ్యంలో తమ నివాసానికి కొంత దూరంలో వుండే తమ తల్లి (90) అస్సలు నమ్మలేకపోతుందని అన్నారు. ఇక ఒక్కసారిగి తమకు తెలిసిన పిడుగులాంటి వార్తతో తాము భయకంపితులం అవతున్నామని, ఎక్కడా బాధితు బంధువులు తమపై దాడికి ప్రయత్నిస్తారోన్నన్న భయాందోళన తమలో నెలకోందని చెప్పాడు.
అయితే పాడ్డాక్ పై ఎలాంటి నేరచరిత్ర లేదని చెప్పిన పోలీసులు, అతని తండ్రి హాస్కిన్స్ బెంజమిన్ పాడ్డాక్ కరుడుగట్టిన దొంగ అని తెలిపారు. వరుస బ్యాంకు దొంగతనాలతో పోలీసు రికార్డులకెక్కాడని తెలిపారు. ఒక కేసులో 20 ఏళ్ల జైలు శిక్ష పడి టెక్సాస్ కేంద్ర కారాగారంలో శిక్షననుభవించి, 1969లో జైలు నుంచి తప్పించుకుని పారిపోయాడని వెల్లడించారు. వైద్యులు అతనిని సైకోపాత్ గా పేర్కొన్నారని, అతనికి ఆత్మహత్య చేసుకునేంత ఉన్మత్తత ఉందని తెలిపారని వెల్లడించారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more