దసరాకు సోంతూళ్లకు వెళ్తున్నారా..? అయితే ఇది మీకోసమే..

Posted: 09/19/2017 12:39 PM IST

Are you going to native place in dussera vacations this is for you

దసరా పండగ సందర్భంగా సొంతూళ్లకు వెళ్తున్నారా..? అయితే ఒక్క నిమిషం.. అర్టీసీ బస్సులతో పాటు ప్రైవేటు బస్సులు కూడా ప్రయాణికుల రద్దీ నేపథ్యంలో సాధారణ రేట్లకు బదులు అధికంగా వసూళ్లు చేస్తారన్నది తెలిసిన విషయమే. ఈ పండగకు అలాంటి ఇబ్బందులు ప్రయాణికులు పడకూడదనే పండగ వేళ ప్రయాణికులు రద్దీని దృష్టిలో ఉంచుకొని దక్షిణ మధ్య రైల్వే ప్రత్యేక రైళ్లను ఏర్పాటుచేసింది. ఇక ఎందుకు అలస్యం వెంటనే మీ టికెట్లను రిజర్వు చేసుకోండి.

విశాఖపట్నానికి..
హైదరాబాద్‌ నుంచి అటు కాకినాడ, ఇటు విశాఖకు ఈ ప్రత్యేక రైళ్లను దక్షిణమధ్య రైల్వే నడపనుంది. హైదరాబాద్ విశాఖ మధ్య నాలుగు ప్రత్యేక రైళ్లను దసరా సందర్భాన్ని పురస్కరించుకుని నడపనున్నట్టు దక్షిణమధ్య రైల్వే అధికారులు వెల్లడించింది. ఈ నెల 28, 30 తేదీల్లో సాయంత్రం 6.50 గంటలకు హైదరాబాద్ నుంచి బయలుదేరనున్న ప్రత్యేక రైలు.. మరుసటి రోజు ఉదయం 8 గంటలకు విశాఖకు చేరుకోనుంది. అలాగే ఈ నెల 29, అక్టోబర్‌ 1 తేదీల్లో రాత్రి 7.20 గంటలకు విశాఖలో బయల్దేరి మరుసటి రోజు ఉదయం 8.50 గంటలకు హైదరాబాద్ కు చేరుకుంటుంది.

కాకినాడకూ..
హైదరాబాద్‌ నుంచి కాకినాడ పోర్టుకు మరో నాలుగు ప్రత్యేక రైళ్లు నడపనున్నట్టు అధికారులు వెల్లడించారు. కాకినాడకు వెళ్లే ఈ రైలు ఈ నెల 27, 29 తేదీల్లో సాయంత్రం 6.50 గంటలకు హైదరాబాద్‌లో బయల్దేరి మరుసటి రోజు ఉదయం 5.35 గంటలకు చేరుకోనుంది. కాకినాడలో ఈ నెల 28, అక్టోబర్‌ 2 తేదీల్లో సాయంత్రం 5.55 గంటలకు బయల్దేరి మరుసటి రోజు ఉదయం 5.10 గంటలకు హైదరాబాద్‌కు చేరుకుంటుంది. హైదరాబాద్‌ నుంచి కాకినాడకు అక్టోబర్‌ 1న మరో రైలు ఏర్పాటుచేశారు. ఈ రైలు రాత్రి 11.40 గంటలకు హైదరాబాద్‌లో బయల్దేరి మరుసటి రోజు ఉదయం 11.45 గంటలకు కాకినాడకు చేరుకోనుంది.