యూపీలో యాసిడ్ దాడులు.. మత కోణం?

Posted: 08/22/2017 10:09 AM IST

ఉత్తర ప్రదేశ్ లో దారుణ ఘటనలు చోటు చేసుకున్నాయి. మూగజీవాలు అని కూడా చూడకుండా కిరాతక చర్యకు పాల్పడ్డారు. గుర్తు తెలియని దుండగలు ఆవులు, ఎద్దుల మీద యాసిడ్ దాడులు చేశారు.

తాజ్ గంజ్ ప్రాంతంలో పోలాల్లో తిరుగుతున్న ఆవులు, ఎద్దుల మీద యాసిడ్ దాడులు జరిగినట్లు గ్రామస్తులు చెబుతున్నారు. వెంటనే రంగంలోకి దిగిన పోలీసులు ఎఫ్ఐఆర్ నమోదు చేసుకుని దర్యాప్తు చేపట్టారు. దాడులకు పాల్పడింది ఎవరైనా కఠిన చర్యలు తప్పవని స్థానిక ఎస్సై రాజా సింగ్ తెలిపారు.

గోరక్షక దళాల దాడుల నేపథ్యంలో మత కోణంలో ఏమైనా ఉందా అన్న అనుమానాలు కూడా వ్యక్తం అవుతున్నాయి. మరోవైపు ఆవులను పరిరక్షించే సీఎం యోగి ఆదిత్యానాథ్ రాష్ట్రంలోనే గోవులపై దాడులు జరగటంతో తీవ్ర విమర్శలు వినిపిస్తున్నాయి.