హైదరాబాద్ మహానగరంలో ఐటీ మహిళలు సేఫ్..

Posted: 08/16/2017 01:55 PM IST

Special she shuttle bus sevices for women working in it sector

దేశవ్యాప్తంగా మహిళ రక్షణ పోలీసులకు కత్తి మీద సాములా మారింది. ఏక్కడ ఏ నేరం జరుగుతుందో. ఎప్పుడు ఎలాంటి వార్త వినాల్సివస్తుందోనని వారు అనునిత్యం అందోళన చెందుతున్నారు. మరీ ముఖ్యంగా అర్థరాత్రిళ్లు విధులు ముగించుకుని ఇళ్లకు చేరుకునే యువతులు, మహిళల విషయంలో ఈ మధ్య బీజేపి అధ్యక్షుడి కుమారుడు ఒక చోట, దేశ రాజధాని ఢిల్లీలో మరో మహిళ ఇలాంటి పోకిరీలు వెంటపడుతుంటే వారి నుంచి తప్పించుకుని పోలీసులకు పిర్యాదు చేసిన ఘటనలు వెలుగు చూడటంతో.. అసలు మహిళలకు భద్రత కరువైందన్న విమర్శలు కూడా వనబడుతున్నాయి.

ఈ నేపథ్యంలో మహిళల విషయమై చెందుతున్న అందోళనను అధిగమించి.. రాచకొండ పోలీసు ఓ వినూత్న నిర్ణయంతో ముందుకోచ్చారు. అదే ఐటీ కేంద్రంలో పనిచేసే మహిళలకు ప్రత్యేక షటిల్ సర్వీసులను తీసుకోచ్చారు. కేవలం మహిళలను మాత్రమే అనుమతించే ఈ వాహనాల్లోకి వారు క్షేమంగా వార్వారి గమ్యస్తానాలకు చేరుకునే వెసలుబాటు కల్పించారు. ఇవాళ అధికారింకంగా ప్రారంభమైన ఈ బస్సు సర్వీసులు.. ఐటీ కారిడార్ లో మహిళా ఉద్యోగినుల సురక్షిత ప్రయాణం కోసం వినియోగంలోకి వచ్చాయి.

సొసైటీ ఫర్ సైబరాబాద్ సెక్యూరిటీ కౌన్సిల్ సహాకారంతో ఈ ‘షీ షటిల్’ సర్వీసులను ఎల్బీనగర్ నుంచి పోచారం ఐటీ కారిడార్ వరకు రాచకొండ పోలీసులు అందుబాటులోకి తీసుకువచ్చారు. ఐటీ ఉద్యోగినులకు వారి ప్రయాణంలో భద్రత మరింత పెరగనుందని సీపీ మహేష్ భగవత్ తెలిపారు. ఈ ఐటీ కారిడార్‌లో దాదాపు 20 వేల మంది మహిళ ఉద్యోగులు ఉన్నారన్న అయన.. వారి భద్రత, సురక్షణ కోసం ఈ సర్వీసులు దోహదపడనున్నాయని అన్నారు. ఈ బస్సు సర్వీసుల ప్రారంభోత్సవానికి హైదరాబాద్ పోలీసు కమిషనర్ మహేందర్‌రెడ్డి, సైబరాబాద్ పోలీసు కమిషనర్ సందీప్ శాండిల్యలు హాజరయ్యారు. అవసరమైన వారందరికీ ‘షీ షటిల్’ సర్వీసు బస్సు వారిని సురక్షితంగా గమ్యస్థానాలకు చేరుస్తుంది. సైబరాబాద్‌లో ఈ షీ షటిల్ బస్సు సర్వీసులను ప్రతి రోజు దాదాపు 1200 మంది మహిళ ఐటీ ఉద్యోగినులు ప్రయాణించవచ్చనని అంచనా వేశారు.