సూర్యకుమారీ విషాదంతం.. రైవస్ కాలువలో మృతదేహం లభ్యం..

Posted: 08/05/2017 08:36 PM IST

Missing vijayawada doctor s body found in ryves canal

తెలుగు రాష్ట్రాలలో పెను సంచలనం రేపిన విజయవాడ వైద్యురాలు డాక్టర్‌ కొర్లపాటి సూర్య కుమారి అదృశ్యంపే రేగిన ఉత్కంఠ చివరకు విషాదాతంగ ముగిసింది. రైవస్‌ కాలువలో ఆమె మృతదేహం లభ్యమైంది. ఈ కేసులో లభించిన అధారాల మేరకు పోలీసులు, రంగంలోకి దిగిన ఎన్డీఆర్ఎఫ్ బృందాలు విస్తృత గాలింపుల చేపట్టిన అనంతరం అమె మృతదేహాన్ని కాలువలోంచి వెలికితీశాయి. గత నెల చివరి రోజున అమె కనిపించకుండా పోవడంతో అమె అదృశ్యంపై నాలుగు రోజులుగా క్రితం కేసు నమోదైంది.

గాంధీనగర్ సమీపంలోని రైవస్ కాల్వలో అమె టూవీలర్ వాహనాన్ని గుర్తించిన పోలీసులు సూర్యకుమారి కాల్వలో దూకి ఉంటారని అనుమానంతో గాలింపు చర్యలు చేపట్టారు. స్థానిక పోలీసులకు తోడుగా విపత్తు నివారణ బృందాలు కూడా రంగంలోకి దిగి సుమారు 13 కిలోమీటర్ల మేర ఉన్న ఆ కాల్వమొత్తం ప్రత్యేక బోటులతో గాలించడంతో ఓ రైల్వేగేటుకు సమీపంలోని రైవస్‌ కాలువలో ముళ్ల కంపలోచిక్కుకొని ఉన్న సూర్యకుమారి మృతదేహం గుర్తించి వెలికి తీశారు.

అయితే నాలుగు రోజులుగా కాలువలో సూర్యకుమారి మృతదేశం వుండటంతో దాదాపుగా కుళ్లిపోయిన స్థితికి చేరకుంది. దీంతో అమెను గుర్తుపట్టడం కొంత కష్టంగా మారింది. దీంతో పోలీసులు వారి కుటుంబసబ్యులకు సమాచారం అందించారు. దీంతో ఘటనా స్థలమైన రైవస్ కాలువ వద్దకు చేరుకున్న సూర్యకుమారి కుటుంబ సభ్యులు తొలుత తమ బిడ్డ కాకూడదని దేవుడికి ప్రార్థించినా.. చివరకు అమె ధరించిన నగల ఆధారంగా మృతదేహాన్ని గుర్తించారు.

ప్రేమ విఫ‌ల‌మైనందునే సూర్యకుమారి ఆత్మ‌హ‌త్య చేసుకున్న‌ట్టు పోలీసులు భావిస్తున్నారు. జగ్గయ్యపేటకు చెందిన అమె కుటుంబం కర్ణాటకలో స్థిరపడింది. అయితే, ఎంబీబీఎస్ పూర్తిచేసిన ఆమె ప్రభుత్వ నిబంధనల ప్రకారం గ్రామీణ ప్రాంతంలో సేవలందించేందుకు ఆర్నెళ్ల నుంచి విస్సన్నపేట క్లస్టర్ పరిధిలో తెల్లదేవరపల్లి ఆరోగ్య కేంద్రంలో వైద్యురాలిగా పనిచేస్తున్నారు. ఈ క్రమంలో మాజీ ఎమ్మెల్యే కుమారుడు విద్యాసాగ‌ర్ తో ఆమెకు ఆరేళ్లుగా ప‌రిచ‌యం ఉంద‌ని, అత‌డికి వివాహం కావ‌డంతో పెళ్లికి నిరాక‌రించ‌డంతోనే మ‌న‌స్తాపానికి గురై ఆమె రైవస్‌ కాల్వ వంతెన వ‌ద్ద దూకి ఆత్మ‌హ‌త్య చేసుకొని ఉంటుంద‌ని అంచ‌నా వేస్తున్నారు. అయితే సూర్యకుమారీ కుటుంబసభ్యులు మాత్రం పలు అనుమానాలను వ్యక్తం చేస్తున్నారు.