బిగ్ బాస్ హౌజ్ లో విషాదం.. వ్యక్తి మృతి..

Posted: 08/05/2017 05:04 PM IST

బిగ్ బాస్‌ ఫో ఓ వైపు ప్రేక్షకులను అకట్టుకుంటున్నా.. మరోవైపు మాత్రం వివాదాలకు కేరాఫ్ అడ్రస్ గా మారుతుంది. దీంతో ఈ షో ఏ ముహూర్తాన మొదలైందో కానీ..  ఆది నుంచీ అన్ని ఆటంకాలే.. ఎదురవుతున్నాయన్నా వార్తలు కూడా వినబడుతున్నాయి. ఇప్పటి వరకు ఫిర్యాదులపై పిర్యాదులు వెల్లువెత్తగా, ఇక కేసులు కూడా మొదలయ్యాయి. ఈ క్రమంలోనే తాజాగా ఇప్పుడు అంతకుమించి విషాదం చోటుచేసుకుంది. అటు విమర్శలు, ఇటు కేసులతో సతమతమవుతున్న షో నిర్వాహకులకు విషాదం మాత్రం అందోళన కలిగిస్తుంది. విలక్షణ నటుడు కమల్ హాసస్ అధ్యర్యంలో నడుస్తున్న తమిళ బిగ్ బాస్ షో హౌజ్ లో ఈ ఘటన చోటుచేసుకుంది.

ఇప్పటికే తమిళ బిగ్ బాస్ హౌస్‌లో పార్టిసిపెంట్ గా వున్న నటి ఓవియా హెలన్ ఆత్మహత్యా యత్నానికి ప్రయత్నించిన ఘటన ఇప్పుటికే పెను దుమారాన్నే రేపింది. తన ప్రేమను తిరస్కరంచిన తోటి కంటెస్టెంట్ ఆరవ్, దూరంగా ఉంటున్నాడన్న ఆవేదనతో కంటెస్టెంట్ ఓవియా స్విమ్మింగ్ పూల్ లోకి దూకి ముక్కుమూసుకుని ఆత్మహత్యకు యత్నించింది.  ఈ వ్యవహారమంతా బయటకు పొక్కడంతో బిగ్ బాస్ హౌజ్ కు పోలీసులు వెళ్లినట్టు సమాచారం.

అయితే సెట్లో పనిచేస్తూ ప్లంబర్ ప్రమాదవశాత్తూ మృతి చెందిన విషయం అలస్యంగా వెలుగుచూడటంతో పోలీసులు బిగ్ బాస్ హౌజ్ కు వెళ్లినట్లు సమాచారం. ముంబైకి చెందిన ఇబ్రహీం షేక్ (28) అనే వ్యక్తి తమిళ బిగ్ బాస్ సెట్లో ప్లంబర్ గా పనిచేస్తున్నాడు. ఈ క్రమంలోనే పనిచేస్తున్న ఇబ్రహీంకు ఫిట్స్ వచ్చి కిందపడిపోయాడు. వెంటనే అతడికి ప్రథమ చికిత్స నిర్వహించి సమీపంలోని కిల్పాక్ మెడికల్ కాలేజీకి (కేఎంసీ)కి తరలించినా ఫలితం దక్కలేదు. అప్పటికే అతడు చనిపోయినట్టు వైద్యులు నిర్ధారించారు. తన ఒంట్లో బాగాలేదని అంతకుముందే చెప్పినట్టు తోటి వర్కర్లు చెప్పారు. అతడికి విపరీతంగా చెమట పట్టేసిందని, వెంటనే ఫిట్స్ వచ్చి పడిపోయాడని వెల్లడించారు. ఘటనపై నజరత్‌పేట్ పోలీసులు కేసు నమోదు చేసి దర్యాప్తు చేస్తున్నారు.