శ్వేతనాగు విషయంలో క్లారిటీ ఇచ్చిన అధికారులు

Posted: 08/01/2017 01:25 PM IST

తమిళనాడులోని తిరువల్లూరు జిల్లా కేంద్రంలో నాగుల చవితి రోజున శ్వేతనాగు లభించడంతో భక్తులు పూజలు చేసిన వైనాన్ని మనం మర్చిపోకముందు మరో అరుదైన శ్వేత వర్ణంలోని పాము అస్ట్రేలియాలో ప్రత్యక్షమైంది. అస్ట్రేలియాలోని ఓ పట్టణంలో నివసిస్తున్న స్థానికురాలు ఈ అరుదైన శ్వేతవర్ణంలోని పామును చూసింది. ముత్యంలా మెరుస్తూన్న ఈ పాము అక్కడి వారిని విపరీతంగా అకర్షించింది. అయితే రంగంలోకి దిగిన వన్యప్రాణి సంరక్షణ అధికారులు దానిని తీసుకుని స్తానికంగా గల పార్కులోకి తీసుకువచ్చి పరిశోధన మొదలుపెట్టారు.

ముత్యంలా మెరిసిపోతున్న ఈ పామును చూస్తే ఎవరైనా శ్వేతనాగు అనుకుంటారని అయితే ఇది నిజానికి శ్వేత నాగు కాదని అధికారులు తేల్చిచెప్పారు. ఇది ఆస్ట్రేలియాలో నివసించే సాల్టీ గ్రే స్నేక్‌ అని చెప్పారు. సాధారణంగా ముదురు గోధుమరంగులో ఉండే ఈ పాములు అరుదైన జన్యు లోపాల కారణంగా శ్వేతవర్ణంలోకి మారిందని, అంతేకానీ ఇది శ్వేత నాగు కానేకాదని టెర్రిటరి వైల్డ్‌లైఫ్‌ పార్కు అధికారులు చెబుతున్నారు. అయితే ఈ పాములు విషపూరితమైనవి కావని కూడా చెబుతున్నారు.

అయితే ఈ పాము శ్వేతవర్ణంలోకి మారడానికి కేవలం జన్యు లోపాలే కారణం కానీ ఏదో పాడురోగం వచ్చిందని భావించలేమని కూడా చెబుతున్నారు. ఈ పాముకు నిజంగా ఏదైనా రోగం వస్తే దాని కళ్లు గులాభి వర్ణంలోకి మారుతాయని కానీ ఈ పాము కళ్లు నలుపు రంగులో ఉన్నాయని చెప్పారు అధికారులు. శునకం దీన్ని తినబోతే రక్షించిన ఓ స్థానికుడు తమకు అప్పగించాడని తెలిపారు. అయితే ఇటీవల గుండీలోని చిల్డ్రెన్ పార్కులో లభించిన పాము కూడా అస్టేలియాలో లభించి సాల్టీ గ్రే స్నేక్ కేనా అన్న అనుమానాలు వ్యక్తం మవుతున్నాయి. మన అధికారులు చెప్పినట్లు.. ఈ పాముది తమ దేశం కాదుని... అసలు ఈ ఖండమే కాదనడంతో అనుమానాలు బలపడుతున్నాయి.