ITEMVIDEOS:కోవింద్ కూతురు పెద్ద షాకిచ్చిందిగా...

Posted: 07/22/2017 11:45 AM IST

అధికారం వంకతో అడ్డమైన పనులు చేయించుకునే నేతలు ఉన్న ఈరోజుల్లో వాళ్ల వారసులు పేరును ఏ రేంజ్ లో వాడుకుంటున్నారో చూస్తూనే ఉన్నాం. చెట్టు పేరు చెప్పుకుని ఎదిగేందుకు ప్రయత్నించే తరుణంలో ఇక్కడో నేత కుమార్తె వ్యవహారం ముక్కున వేలేసుకునేలా చేస్తుంది. భారతదేశ 14వ రాష్ట్రపతి రామ్ నాథ్ కోవింద్ కుమార్తె స్వాతి వ్యవహారశైలి ఓసారి పరిశీలిద్దాం.

స్వాతి కోవింద్ ఎయిరిండియాలో ఎయిర్‌ హోస్టెస్‌ గా పని చేస్తోంది. ఆస్ట్రేలియా, యూరప్‌, అమెరికా వంటి దేశాలకు వెళ్లే ఎయిరిండియా బోయింగ్‌ 777,787 విమానాల్లో ఆమె ఎయిర్‌ హెస్టెస్‌ గా చక్కర్లు కొడుతూ కనిపిస్తుంది. అయితే ఏనాడూ ఆయన తన తండ్రి అని చెప్పుకోలేదు. కోవింద్ బీహార్ గవర్నర్ గా ఉన్న సమయంలో కూడా ఆమె పేరు బయటికి రాలేదు. రాష్ట్రపతి గా ఎన్నికైన తర్వాత ఆమె వివరాలు ప్రచురించగా.. తోటి సిబ్బంది అది చూసి షాక్ తిన్నారంట.

 

అంత స్థాయి నేత కూతురైనా ఏనాడు స్వాతి గొప్పలు చెప్పుకోలేదు. పైగా కార్యాలయంలోని అధికారిక పత్రాల్లో కూడా ఆమె తన ఇంటి పేరు చేర్చలేదు. తన తండ్రి రామ్ నాథ్ కోవింద్ రాష్ట్రపతిగా పోటీ చేస్తున్న సమయంలో ఆమె ప్రత్యేక సెలవుపై వెళ్లారు. సెలవుకు గల కారణాన్ని ఆమె వివరించలేదు. అంతెందుకు గురువారం వరకు ఆమె రాష్ట్రపతి రామ్ నాథ్ కుమార్తె అన్న సంగతి ఎయిర్ ఇండియాకు తెలియకపోవడం విశేషం.

ప్రత్యేక సెలవుకు గల కారణాన్ని వివరించే క్రమంలో ఆమె రాష్ట్రపతి కుమార్తె అన్న విషయం ఎయిరిండియాకు తెలిసింది. దీంతో ఉన్నతాధికారులు షాక్ తిన్నారు. ఆమెప్పుడూ సాధారణ ఉద్యోగిలానే వ్యవహరించారే తప్ప ఏ రోజూ గొప్పలకు పోలేదని ఆమె సహోద్యోగిని తెలిపారు. తల్లి పేరును సవిత అని, తండ్రి పేరును ఆర్‌ఎన్‌ కోవింద్‌ అని పేర్కొన్న ఆమె... తమ సహోద్యోగి అని చెప్పుకోవడానికి గర్విస్తున్నామని ఎయిరిండియా సిబ్బంది చెబుతున్నారు.