పాష్ కాలనీల్లో ఉన్నత కుటుంబాల మధ్య పాడుపని..

Posted: 07/21/2017 02:44 PM IST

Brothels amidst posh residential colonies busted in hyderabad

తెలంగాణలో ఎక్కడ ఏ మూల నేరాలు జరిగినా వాటి భరతం పడతామని ప్రకటించిన పోలీసులు.. నిజంగా అన్నంతపని చేస్తున్నారు. ఇప్పటికే ఓ వైపు పెను కలకలం రేపుతున్న డ్రగ్స్ రాకెట్ గుట్టును చేధించి.. అనుమానితుల నుంచి వారి వాంగ్మూలాలను తీసుకుంటుండగా, మరో వైపు రాష్ట్రంలో గుట్టుగా సాగుతున్న వ్యభిచార గృహాలపై దాడులు చేసి నిర్వాహకులను అరెస్టు చేస్తున్నారు. తాజాగా పాఫ్ కాలనీలలో ఉన్నత కుటుంబాలకు చెందిన వ్యక్తుల మధ్య అద్దెకు ఇళ్లను తీసుకుని అత్యంత గోప్యంగా వ్యభిచారం నిర్వహిస్తున్న ముఠాలను హైదరాబాద్ టాస్క్ ఫోర్స్ పోలీసులు అదుపులోకి తీసుకున్నారు.

నగరం సెంట్రల్ జోన్ టాస్క్ పోర్స్, మలక్ పేట పోలీసులు సంయుక్తంగా దాడులు నిర్వహించగా వ్యభిచార గుట్టు రట్టైంది. వ్యభిచార కూపంలో మగ్గిపోతున్న ముగ్గురు మహిళలకు పోలీసులు విముక్తి కల్పించారు. ఈ సందర్భంగా నలుగురు నిర్వాహకులను అరెస్టు చేసిన పోలీసులు వారి నుంచి రూ.33 వేల 610 నగదుతో పాటు 8 సెల్ ఫోన్లను స్వాధీనం చేసుకున్నారు. వివరాల్లోకి వెళ్తే.. గత కొద్ది నెలల క్రితం మలక్ పేటలోని సలీమ్ నగర్ తో పాటు చైతన్యపురిలోని రెడ్డి కాలనీలో ఇల్లను అద్దెకు తీసుకున్న ముఠా అక్కడ స్థానికులతో కలసి ఉన్నత కుటుంబాలకు చెందిన వ్యక్తులుగా నటిస్తూ.. గుట్టుగా వ్యభిచారం చేసింది.

అయితే తరచూ వారింటికి గుర్తుతెలియని వ్యక్తులు వస్తుండటంతో.. అనుమానం వచ్చిన స్థానిక కాలనీవాసులు పోలీసులకు సమాచారం అందించారు. దీంతో రంగంలోకి దిగిన టాస్క్ ఫోర్స్ దాడులు నిర్వహించగా, ముగ్గురు మహిళలతో పాటు నలుగురు పట్టుబడ్డారు. మహిళలను సంరక్షణ కేంద్రానికి తరలించిన పోలీసులు చైతన్యపురికి చెందిన టియు శ్రీనివాస్, హయత్ నగర్ కు చెందని సాయ్ కుమార్ తో పాటు మలక్ పేటకు చెందిన నాగరాజు, శ్రీరాములు అనే నిర్వాహకులను అదుపులోకి తసుకున్నారు. కాగా కీలక నిందితుడు భాస్కర్ మాత్రం పరారీలో వున్నాడని పోలీసులు తెలిపారు. అతడి కోసం గాలిస్తున్నామని చెప్పారు.