ITEMVIDEOS:ఒళ్లో డేంజరస్ పాము.. ఆపై ఏం జరిగిందంటే...

Posted: 05/25/2017 09:55 AM IST

సాహసోపేతమైన కార్యక్రమాలు చేసేప్పడు ఇలాంటి జరిగేవే అయినప్పటికీ తృటిలో ప్రాణాలతో బయటపడ్డాడు ఇక్కడ ఓ యువకుడు. నిక్ బిషప్ ముద్దుగా నిక్ ది వ్రాంగ్లర్ అని పిలుచుకుంటుంటారు. అమెరికా అడవుల్లో సంచరిస్తూ జంతువులపై డాక్యుమెంటరీలు తీయటం, వాటిని యూట్యూబ్ లో అప్ లోడ్ చేసి హిట్స్, లైక్స్ కొట్టడం ఇదే ఇతగాడి పని. అయితే ఈ మధ్య చేసిన ఓ ప్రయత్నం మాత్రం అతనికి గుండె ప్యాంట్ లోకి వచ్చేలా చేసింది.

డాక్యుమెంటరీ తీసి అలసిపోయిన అతడి దగ్గరికి ఓ భయంకరమైన రాటిల్ స్నేక్ వచ్చింది. మెల్లిగా అతని ఒళ్లోకి దూరి కాసేపు అతన్ని కంగారుకు గురిచేసింది. మాములుగా ఈ రాటిల్ స్నేక్ ఏం చేయకపోయినా మనుషులపై దాడులు చేస్తుంటాయి. అవి కరిస్తే వాటి విషం క్షణాల్లో రక్తం అంతా పాకి మనిషి చనిపోతాడంట. ఈ విషయాన్ని ఊటంకిస్తూ గతంలో జరిగిన చాలా ఘటనలే చూపించింది నేషనల్ జియోగ్రఫీ ఛానెల్. కానీ, నిక్ అదృష్టం కొద్ది అలాంటిదేం జరగలేదు.

మెలిగా అతనివైపే చూస్తున్న పామును చిన్నగా కదిలించే యత్నం చేశాడు. ఓ చిన్నకర్ర సాయంతో దాని తోక చివర తాకటం మొదలుపెట్టాడు. దీంతో అది నెమ్మదిగా బయటికి అతని వెనకాల ఉన్న పొదల్లోకి వెళ్లింది. వెంటనే ఒక్క దూటున అతను పక్కకు వచ్చేశాడు. కేవలం రెండే రోజుల్లో ఫేస్ బుక్ లో ఈ వీడియో 7 మిలియన్ల వ్యూవ్స్ సంపాదించింది. చూసే మనకు ఇంతగా ఉంటే అనుభవించిన అతనికి ఇంకెతం నరకం కనిపించి ఉంటుందేమోనని పలువురు కామెంట్లు చేస్తున్నారు. దయచేసి మీరు ఇలాంటి ప్రయత్నాలు చేయకండి అంటూ ఓ ట్యాగ్ లైన్ కూడా పెట్టాడు నిక్.