యువతి యాక్సిడెంటా? లేక గ్యాంగ్ రేప్?

Posted: 05/23/2017 08:22 AM IST

హైదరాబాద్ లో ర్యాగింగ్ భూతం మరోసారి వికృత రూపం దాల్చింది. ఏకంగా జూనియర్ విద్యార్థినిపై లైంగిక దాడికి పాల్పడినట్లు ఆరోపణలు వెల్లువెత్తుతున్నాయి. ఓ ప్రమాదంలో గాయపడిన విద్యార్థినిని ఆస్పత్రిలో సీనియర్లు చేర్పించగా, ఆమెపై వారు లైంగిక దాడికి పాల్పడినట్లు ఆమె పేరెంట్స్ ఆరోపిస్తున్నారు.

హైదరాబాద్ శివారులోని బోడుప్పల్‌లో బీటెక్ థర్డ్ ఇయర్ చదువులోంది ఓ ఇంజనీరింగ్ విద్యార్థిని. ఎగ్జామ్స్ రాసేందుకు కాలేజీకి వెళ్లి తిరిగి ఇంటికి వచ్చే క్రమంలో బస్సు మిస్ అయ్యింది. దీంతో సీనియర్ అయిన ఓ విద్యార్థి బైక్ మీద డ్రాప్ చేస్తానని ఎక్కించుకున్నాడు. ఆపై యాక్సిడెంట్ జరగటంతో ఆమెను ఓ ఆస్పత్రిలో చేర్పించారు. ఆ సమయంలో అతనితోపాటు మరో ముగ్గురు సీనియర్లు కూడా ఉన్నారు. అయితే బైక్ కు చిన్న గీత కూడా పడకపోవటం, డ్రైవింగ్ చేసిన విద్యార్థి కూడా బాగానే ఉండటంతో అసలు అనుమానాలు మొదలయ్యాయి.

ఆ విద్యార్థిని తండ్రి మాట్లాడుతూ, ఇదంతా పథకం ప్ర‌కార‌మే చేసి, త‌న కూతురిపై లైంగిక దాడికి పాల్ప‌డ్డార‌ని అంటున్నాడు. ర్యాగింగ్ పేరుతో తరచూ వేధించేవారిని తన కూతురు తనతో చెప్పేదని, అఘాయిత్యానికి పాల్పడి పోలీసులకు బయపడి ఇలా డ్రామాలాడుతున్నారి ఆరోపిస్తున్నాడు. వైద్యులు కూడా ఆ ఆస్కారం ఉందని చెబుతున్నప్పటికీ ఏదనేది నివేదికలు వచ్చిన తర్వాతే తేలుస్తామని అంటున్నారు. ఓ ప్రైవేటు ఆస్పత్రిలో చికిత్స తీసుకుంటున్న ఆ విద్యార్థిని కోలుకుంటే అస‌లు నిజం బ‌య‌ట‌ప‌డుతుందని పోలీసులు ఎదురు చూస్తున్నారు.