ITEMVIDEOS: మగాడి వంకర బుద్దికి.. మహిళ ఫేస్ బుక్ దెబ్బ

Posted: 05/17/2017 06:36 PM IST

దేశం కాని దేశంలో దేశం పరువును తీశాడో భారతీయుడు. అయితే పరదేశంలోనూ మన భారతీయ యువతని అసభ్యంగా చిత్రీకరించి వెదవ్వేషాలు వేశాడు. మెట్రో రైలులో అకతాయి పనులు చేసిన వాడ్ని యువతి మహిళ రెడ్ హ్యాండెడ్‌గా పట్టేసుకుంది. అంతటితో అగకుండా ముందుగా అకతాయి పరువును దెబ్బతీసి.. ఆ తరువాత అతడికి గట్టిగా బుద్దిచెప్పాలనుకుంది. సింగపూర్ మెట్రలో రైలులో తన ఎదురు సీట్లో ఉన్న యువతిని ఫోన్లో వీడియో తీస్తూ.. ఎవరికీ తెలియలేదని అనుకున్నాడు. రైలు మొత్తం ఖాళీగా ఉన్నా, అతడు సరిగ్గా ఆమెకు ఎదురుగా ఉన్న సీట్లోనే కూర్చున్నాడు.

మొల్లిగా జేబులోంచి ఐఫోన్ తీసి, దాంట్లో ఏదో చూస్తున్నట్లుగా సీరియస్‌గా స్క్రీన్ వైపు చూస్తూ చాలాసేపు అలాగే ఒకే విధంగా పట్టుకున్నాడు. అతడు ఫోన్ పట్టుకున్న తీరు అనుమానాస్పదంగా కనిపించింది. దాంతో యువతికి అనుమానం కలిగింది. కాస్త జాగ్రత్తగా పరిశీలిస్తే, అతడి వెనకాల ఉన్న కిటికీ అద్దం మీద ఆ ఫోన్‌లో ఏం చేస్తున్నదీ స్పష్టంగా కనిపించింది. అతడు తననే వీడియో తీస్తున్నట్లు యువతి గుర్తించింది. ఏమీ ఎరగనట్లుగా తాను కూడా ఫోన్ తీసి అతగాడిని షూట్ చేయడం మొదలుపెట్టింది. తానెం తక్కువ తిన్నానా అన్నట్టుగా అనుమాన కలగకుండా అకతాయి పనులను సెల్ లో బంధించింది.

ఇక తాను దిగాల్సిన రైల్వే స్టేషన్ రాగానే ఆ వ్యక్తితో వాదనకు దిగింది. తాను చేసిన పనులు పై పోలీసులకు పిర్యాదు చేసింది. తాను ఏ పాపం ఎరుగననిన నమ్మబలికిన అకతాయి.. అమె తన సోదరి లాంటిదని కూడా బుకాయించి తప్పించుకోవాలని చూశాడు. క్షమాపణలు చెబితే వదిలేద్దమని బావించిన యువతికి ఎంతకీ మన్నించమని కోరలేదు. అయితే రకరకాల కారణాలు చెప్పుకుంటూ తప్పించుకోవాలని చూశాడే తప్ప ఎంతకీ తాను చేసిన తప్పును అంగీకరించలేదు.

దీంతో అతగాడి వీడియోను యువతి ఫేస్‌బుక్‌లో పోస్ట్ చేసింది. ఆ వీడియోను కేవలం రెండు రోజుల్లోనే ఏకంగా 50 లక్షల మంది చూశారు. అంతేకాదు, వీడియో తీసిన తర్వాత.. నువ్వు చేస్తున్న పనేంటి అంటూ అతడితో గొడవపడి, స్టేషన్ వచ్చిన తర్వాత అతడిని పోలీసులకు అప్పగించారు. అతడి వద్ద ఇలాంటివే చాలా వీడియోలు ఉన్నట్లుగా పోలీసులు తమ విచారణలో గుర్తించారు. గుర్తుతెలియని మహిళలను అత్యంత అసభ్యకరమైన రీతిలో అతడు వీడియో తీశాడని ఆమె తన పోస్టులో రాశారు. భవిష్యత్తులో ఇలాంటివి జరగకుండా ఉండాలనే తాను అందరి దృష్టికి తీసుకెళ్లాలనుకున్నట్లు ఆమె చెప్పారు.