ITEMVIDEOS:టోల్ ఫ్లాజా వద్ద ఘోరం

Posted: 02/23/2017 11:44 AM IST

ఓ ట్రక్కు డ్రైవర్ నిర్లక్ష్యం మరో ప్రాణం బలి తీసుకుంది. నార్ గొట్టా టోల్ ప్లాజా వద్ద దూసుకెళ్లిన ఓ ట్రక్కు ఓ వ్యక్తి ప్రాణాలు తీసుకుంది. ఈ ప్రమాదానికి సంబంధించిన వీడియో ఒకటి నెట్ లో వైరల్ అవుతోంది.

జమ్ము లోని బాన్ టోల్ ఫ్లాజా వద్ద ఈ ఘటన జరిగినట్లు తెలుస్తోంది. పిబ్రవరి 21న సాయంత్రం 4 గంటల సమయంలో ఈ యాక్సిడెంట్ జరిగింది. వీడియోను పరిశీలిస్తే ఓ కారు వచ్చి టోల్ గేట్ రుసుము చెల్లించే క్రమంలో, వెనకాల ఇంకో కారు వచ్చి ఆగింది. ఆసమయంలో అక్కడ పని చేసే సెక్యూరిటీ సూపర్ వైజర్ సుర్జీత్ కుమార్ కార్ల మధ్యలోంచి అవతల వైపు వెళ్లే ప్రయత్నం చేశాడు.

 

ఇంతలో ఓ ట్రక్కు అతివేగంతో దూసుకొచ్చి అతన్ని, ముందు ఉన్న రెండు కార్లను ఈడ్చుకెళ్లింది. ప్రమాదంలో ఆ వ్యక్తి అక్కడిక్కడే మృతి చెందగా, కార్లలో ఉన్నవారికి ఎలాంటి ప్రమాదం జరగలేదు. ఘటన తర్వాత అక్కడి నుంచి జేకే02ఎం/3756 నంబర్ గల ఆ ట్రక్కు ఆగకుండా వెళ్లిపోయింది. ప్రస్తుతం ఈ ప్రమాదం పై పోలీసులు విచారణ చేపట్టారు.