రీఛార్జీకి పోన్ నంబర్ అవసరం లేదు

Posted: 02/23/2017 08:59 AM IST

ఆన్ లైన్ లోనే అన్ని వ్యవహరాలు చక్కదిద్దుకుంటున్న ఈ రోజుల్లో అంతగా పరిజ్నానం లేని కొందరు ఇంకా రీఛార్జీ షాపుల వద్ద క్యూలు కట్టడం చూస్తున్నాం. అయితే రిటైర్ల దగ్గర నంబర్ లు చెప్పిన సమయంలో వాటిని దుర్వినియోగం చేసే అవకాశాలు ఎక్కువగా ఉన్నాయి. అయితే, ఆ సమస్యలేం లేకుండా అంటే మొబైల్ నెంబ‌రు చెప్పకుండానే రీఛార్జీ చేసుకునే అవకాశాన్ని కల్పిస్తోంది వోడాఫోన్.

ఇందుకోసం చేయాల్సిందేంటటే... మీఫోన్ నుంచి 12604 నంబర్‌కు ‘Private’ అని ఓ సందేశం పంపాలి. వెంట‌నే మీ మొబైల్‌కి వన్‌ టైమ్ పాస్‌వర్డ్ (ఓటీపీ) వస్తుంది. ఆ ఓటీపీని మీ రీటైల‌ర్‌కి చెప్పి మీకు ఎంత కావాలో అంత రీఛార్జీ చేయించుకుంటే సరిపోతుంది. ఈ స‌ర్వీసు పశ్చిమ బెంగాల్‌లో ప్రారంభం అయింది. స్మార్ట్ ఫోన్ల జమానాలో కస్టమర్లు ప్రైవసీ గురించే ప్రధానంగా ఆలోచిస్తున్నారు.. అందుకే ఈ ప్రైవేట్ రీఛార్జ్ సర్వీస్ ను ప్రారంభించామని వెస్ట్ బెంగాల్ సర్కిల్ హెడ్ అరవిందర్ సింగ్ సచ్ దేవ్ ప్రకటించాడు.

ఇక ఈ మధ్య ఉత్తరప్రదేశ్ లో రీఛార్జ్ షాపుకి వచ్చిన అమ్మాయిల ఫోన్ నంబర్లను 50 రూపాయ‌ల చొప్పున‌ అమ్మేస్తూ ఓ వ్య‌క్తి ప‌ట్టుబ‌డ్డ విష‌యం తెలిసిందే. త‌న వ‌ద్ద రీఛార్జ్ చేయించుకున్న అమ్మాయిల్లో కాస్త అందంగా ఉన్న అమ్మాయిల నంబ‌ర్ల‌ను ఇంకా ఎక్కువ రేటుకే అమ్మేశాడు. ఇలాంటి దందాలు ఎక్కువగా బయటపడుతుండటంతో ఈ విధానం చాలా వరకు మేలు చేస్తుందని వోడాఫోన్ ఇండియా చెబుతోంది.