ITEMVIDEOS: ‘పాల కోసం’ మహిళల టాప్ లెస్ నిరసన

Posted: 12/02/2016 12:19 PM IST

ఇటీవల జర్మన్ అంబసీ ముందు దేశాల మధ్య అడ్డుగా వున్న నిబంధలను తొలగించి.. వీసా ఫ్రీగా వెళ్లే అవకాశాన్ని కల్పించాలని ఓ మహిళ అర్థనగ్నంగా చారిత్రక గోడను పెద్ద సుత్తితో ధ్వంసం చేసేందుకు యత్నించిన ఘటనను మర్చిపోకముందే.. కెనడాలో ఓ మహిళల గ్రూపు కూడా అలాంటి నిరసనే చేపట్టింది. కెనడాలోని బ్రిటీష్ కోలంబియా వాన్కోవర్ ప్రాంతంలోగల బిసి డెయిరీ పరిశ్రమ ముందు చేరిన పలువురు మహిళలు ఏకంగా టాప్ లెస్ గా మారిపోయారు.

వారి శరీరంపై డైరీలను డంప్ చేయాలని, పాలు బిడ్డల కోసమేనని, ఇక ఆవు పాలు దూడలకేనంటూ రాసుకుని అక్కడ నిరసనకు దిగారు. వాళ్లకు దూడలకు ఎంటా సంబంధం అని అడుగుతున్నారా..? వాళ్లు సాధారణ మహిళలు కాదు.. పెటా అనే పశువుల సంరక్షణ కోసం ఏర్పాటు చేయబడిన సంస్థకు చెందిన మహిళలు. పెటా కోసం ఇప్పటికే చాలా మంది దేశ, విదేశాలకు చెందిన పలువురు పాపులర్ సెలబ్రిటీలు కూడా అర్థనగ్నంగా ఫోజులిచ్చి.. మూగజీవాలను కాపాడాలని అర్ధించిన విషయం తెలిసిందే.

ఆవులు, గేదలు ఇలా పాల ఉత్పత్తికి సహకరించే మూగ జీవాల నుంచి వారి బిడ్డలు (దూడలు)లను దూరం చేసి.. అవి ఆకలితో అలమటించేలా చేస్తున్నారని పెటా నిరసనకారులు అరోపించారు. అవులు, గేదలు పాలను ఉత్పత్తి చేసేది వాటి పిల్లల కోసమేనని, అయితే వాటికి తల్లి పాల నుంచి దూరం చేసే హక్కు ఎవరికీ లేదన్నారు. ఇక పిల్లలను తల్లిపాల నుంచి దూరం చేయడమే కాకుండా పాల ఉత్పత్తి పెంచేందుకు మూగజీవాలకు రకరకాల ఇంజక్షన్లను ఇతరాత్ర రసాయనాలను కలపిన అహారాన్ని కూడా ఇస్తూన్నారని అరోపిస్తున్నారు. దూడలను ఎలా హింసిస్తున్నారన్నది పెటాకు చెందిన ఓ వీడియోలో మనం చూడోచ్చ.