కృష్ణమ్మను షేక్ చేస్తున్న డేంజరస్ ఫిష్

Posted: 07/23/2016 12:04 PM IST

పవిత్ర కృష్ణా నదికి పుష్కరాలు  పుష్కరాలు సమీపిస్తున్నాయి. ఇంకోవైపు నదీ పరివాహక ప్రాంతంలో ఏర్పాట్లు జోరుగా సాగుతున్నాయి. ఈ సమయంలో నదిలో చేపలు పట్టేందుకు వెళ్లిన జాలర్లు మోసుకొచ్చిన ఓ వార్త  ఆందోళన కలిగిస్తోంది. పిడుగు లాంటి ఈ వార్త అటు పుష్కర పనుల్లోని అధికార యంత్రాంగంతో పాటు ఇటు పుష్కరాలకు తరలివచ్చేందుకు సిద్ధపడుతున్న భక్తులను హడలెత్తిస్తోంది.

కృష్ణా నదీ జలాల్లో ప్రస్తుతం డెవిల్ ఫిష్ దర్శనమిస్తోందట. శరీరం నిండా ముళ్లతో  ఉండే ఈ రాకాసి చేప మాంసాన్ని ఆహారంగా తీసుకుంటుంది. సదరు డెవిల్ ఫిష్ ల సంఖ్య ప్రస్తుతం వేల సంఖ్యలో నది నీటిలో దర్శనమిస్తున్నాయట. మత్స్యకారుల వలలను చీల్చి పారేయడమే కాకుండా జాలర్లను గాయాలపాలు చేస్తున్నాయంట. దీంతో నదిలోకి చేపల వేటకు వెళ్లాంటేనే  బెంబేలెత్తిపోతున్నారు.

అయినా నిన్నటిదాకా కృష్ణా నదిలో కనిపించని ఈ డెవిల్ ఫిష్ ఇప్పుడెలా వచ్చాయా అని ఆరాలు తీస్తున్నారు.  పట్టిసీమ ప్రాజెక్టు నుంచి గోదావరి జలాలు కృష్ణా నదిలో కలిశాయి. ఈ నీటి ద్వారానే డెవిల్ ఫిష్ కృష్ణా నదీ జలాల్లోకి ప్రవేశించి ఉంటాయని భావిస్తున్నారు. ఈ నేపథ్యంలో పుష్కరాలు దగ్గరపడుతుండటంతో వీటి బారిన పడకుండా భక్తుల పుణ్యస్నానాలు ఆచరించేలా అధికారులు చర్యలు తీసుకుంటున్నారు.