ఆప్ ఎమ్మెల్యేలకి ఆడాళ్ల పిచ్చి ఎక్కువా?

Posted: 07/08/2016 10:50 AM IST

ఢిల్లీ అధికార పక్షం ఆప్ కి మరిన్ని సమస్యలు చుట్టుముడుతున్నాయి. ఇప్పటికే ఆ పార్టీ ఎమ్మెల్యేలపై వస్తున్న ఆరోపణలతో ముఖ్యమంత్రి అరవింద్ కేజ్రీవాల్ కు పెద్ద తలనొప్పిగా మారగా, తాజాగా కేసులతో వరుసగా ఎమ్మెల్యేలు జైలుకు వెళ్తున్న సంగతి తెలిసిందే. ఇక ఇప్పుడు ఓ మహిళతో అసభ్యంగా ప్రవర్తించాడంటూ ఓ యువ ఎమ్మెల్యేను పోలీసులు అరెస్ట్ చేయటం కలకలం రేపుతోంది.

దియోలీ నియోజకవర్గం ఎమ్మెల్యే ప్రకాశ్ జార్వాల్ పై గ్రేటర్ కైలాశ్ పోలీసు స్టేషన్ లో వేధింపుల కేసు నమోదైంది. తనపై అత్యాచారానికి పాల్పడబోయాడంటూ ఓ మహిళపై చేసిన ఫిర్యాదు మేరకు పోలీసులు కేసు నమోదు చేసుకున్నారు. ఐపీసీ సెక్షన్లు 354, 506, 509 మరియు 34 లను అనుసరించి ఆయన్ను అరెస్ట్ చేశారు. భద్రతా కారణాల దృష్ట్యా ఆమె వివరాలను వెల్లడించేందుకు పోలీసులు నిరాకరించారు.

కాగా, గతంలో(2014లో) ఓ మహిళా అధికారిపై చెయ్యి చేసుకుని ఓసారి అరెస్టయిన ప్రకాశ్ మరోసారి ఏకంగా లైంగికదాడి ఆరోపణతో అరెస్టవ్వటం విశేషం. అన్నట్లు ఈ మధ్య ఆప్ ఎమ్మెల్యే దినేశ్ మోహానియా సైతం మహిళలను దుర్భాషలాడటంతోపాటు వేధింపుల కేసులో అరెస్టయిన సంగతి తెలిసిందే. అయితే పంజాబ్ ఎన్నికల్లో తమ చేతుల్లో చావుదెబ్బ తప్పదనే బీజేపీ అసత్య ఆరోపణలు చేస్తుందని ఆప్ చెబుతోంది.