చెన్నైలో ఇన్ఫోసిస్ ఉద్యోగినిని ఓ నరరూప రాక్షసుడు నాలుగు రోజుల క్రితం హతమార్చిన సంగతి తెలిసిందే. సీసీ పుటేజ్ లు లేకపోవటంతో విచారణలో జాప్యం తీవ్రంగా మారింది. ప్రత్యక్ష సాక్షులను విచారించినప్పటికీ పెద్దగా ఆనవాళ్లను రాబట్టలేకపోయారు. అయితే రద్దీ ఉన్న స్టేషన్లో స్వాతిని చంపుతుంటే చోద్యం చూశారే తప్ప ఎవరూ అడ్డుకునేందుకు ప్రయత్నించకపోవటంపై దిగ్భ్రాంతి వ్యక్తం చేస్తున్నారు. ఇందుకు సంబంధించి ప్రస్తుతం స్వాతి ఆడియో టేప్ ఒకటి వాట్సాప్ గ్రూపులలో హల్ చల్ చేస్తోంది.
‘‘నేను స్వాతిని మాట్లాడుతున్నా. నేను చనిపోయిన నాలుగు రోజులైనా మీడియా చొరవతో మరికొన్ని రోజులు బతికే ఉంటాను. కాబట్టి నేను మాయమైపోయేముందు మీతో కొన్ని విషయాలు పంచుకుందామనుకుంటున్నా. నేను మీలాగే ఓ మాములు వ్యక్తిని. మిగతా రోజుల్లో పని చేసుకుంటూ వీకెండ్ లో సరదాగా ఎంజాయ్ చేయాలని చూసే ఓ సాధారణ ఉద్యోగిణినే. నా తల్లిదండ్రులు కూడా నా మీద బోల్డెన్నీ ఆశలు పెట్టుకున్నారు. ప్రతీ రోజులాగే ఆ రోజు ఆఫీసుకు బయలుదేరాను. ఆ రోజు నాపై జరిగిన దాష్టీకాన్ని మీలో ఎంత మంది చూశారో నాకు తెలీదు. అలాగే మీలో ఎంతమంది ఆడవాళ్లపై జరిగే దారుణాల గురించి ఉపన్యాసాలు దంచుతారో కూడా తెలీదు. కానీ, నాపై దాడి జరుగుతుంటే ఎవరూ కదలలేకపోయారు. రక్తపు మడుగులో కొట్టుకుంటున్న నాకు కనీసం మంచి నీరు అందించి సాయం చేసేందుకు కూడా ఎవరూ ముందుకు రాలేదు. ఫలితం నా ప్రాణాలు అనంత వాయువుల్లో కలిసి పోయాయి. మీకు నేను చేసే విజ్నప్తి ఒక్కటే మీ ఇంట్లో ఆడపిల్లలకు బయటికి వెళ్లే ముందు జాగ్రత్త అని చెబుతారు కదా. అలాగే మగపిల్లలకు కూడా అదే చెప్పండి. తద్వారా నాలాంటి యువతులపైనా, మహిళలపైనా దాడులు జరగకుండా చూస్కోండి’’ అంటూ ఆ ఆడియో క్లిప్ లో ఉంది.
ప్రస్తుతం ఎవరి వాట్సాప్ గ్రూప్ చూసినా ఇదే ఆడియో క్లిప్. ఇది విన్న వారి హృదయాలు కన్నీరు కారుస్తున్నాయి. మరోవైపు కేసులో నిందితుడిని ఇంతవరకు పట్టుకోకపోవటంపై మహిళా సంఘాలు నిరసనకు దిగాయి. దీంతో ఆగ్రహించిన మద్రాస్ న్యాయస్థానం పోలీస్ శాఖకు మొట్టికాయలు వేసింది. రెండు రోజుల తర్వాత కూడా దర్యాప్తు మందకొడిగా సాగుతున్నట్టు మాకు అనిపిస్తే చీఫ్ జస్టిస్ ఆదేశాలతో సుమోటోగా స్వీకరించి విచారిస్తాం అంటూ బెంచ్ హెచ్చరికలు జారీచేసింది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more