ITEMVIDEOS: వేగంగా వచ్చిన కారు.. టీ స్టాల్ ల్లోకి దూసుకెళ్లి..

Posted: 06/15/2016 02:34 PM IST

Ahmedabad s speedy car rams 2 people at tea stall

అదృష్టం వుంటే వేగంగా వెళ్లే రైలు కిందపడినా.. బతికిపోతుంటారు. ఇటీవల మతిస్థిమితం సరిగా లేని 60 ఏళ్ల వృద్దురాలు ముంబై సబర్బన్ రైల్వే స్టేషన్ లో రైలు కింద పడింది. రైలు పైలట్ అమెను గమనించి బ్రేక్ వేసేప్పటికీ అమెపై నుంచి రైలు ఒక బోగి వెళ్లింది. అది చూసిన వారంతా అమెకేమైందోనని కంగారు పడినా.. స్వల్ప గాయాలతో అమై ఆ ప్రమాదం నుంచి బయటపడ్డారు. ఇలాంటి ఘటనలను చూసినప్పుడు పెద్దల సద్దులు గుర్తుకోస్తుంటాయ్. అదేనండీ భూమ్మిద నూకలు వుంటే.. ఎంత ప్రమాదమైన తొలగిపోతుందీ అని. ఇక మరికోందరై శివుడాజ్ఞ లేనిదే చీమైనా కుట్టదు అని.

సరిగ్గా ఇలాంటి ఘటనే గుజరాత్ లోనూ జరిగింది. అదృష్టం వుండబట్టి వారు బతికి బయటపడ్డారు కానీ లేని పక్షంలో మాత్రం అతివేగంతో వచ్చిన వాహనం వారిని ఎక్కడకు తీసుకెళ్తేదో.. ఏం చేసేదో ఊహించడానికే భయంగా వుంది. విషయంలోకి వస్తే ఇద్దరు మిత్రులు రోడ్డు పక్కన టీ దుకాణం దగ్గర కూర్చుని పిచ్చాపాటి మాట్లాడుకుంటున్నారు. ఇంతలో ఊహించని ఘటన జరిగింది. వారిపైకి అనూహ్యంగా కారు దూసుకొచ్చింది. ఏం జరుగుతుందో తెలుసుకునేలోపే వారిని కారు గుద్దేసింది.

అక్కడున్నవారంతా ఒక్కసారిగా అవాక్కయ్యారు. కారు గుద్దేసిన వారికి ఏమైందోనని ఆందోళన చెందారు. అయితే ఈ ప్రమాదం నుంచి వారిద్దరూ స్వల్ప గాయాలతో బయట పడడం విశేషం. గుజరాత్ లోని అహ్మదాబాద్ లో ఆదివారం రాత్రి ఈ ఘటన చోటుచేసుకుంది. కారులోని వ్యక్తి పొరపాటున యక్సిలేటర్‌ పెంచడంతో కారు ఒక్కసారిగా దూసుకొచ్చింది. దీనికి సంబంధించిన వీడియో సోషల్ మీడియాలో పెట్టారు. దీన్ని చూసిన వారంతా 'మిరాకిల్' అని వ్యాఖ్యానించారు.

మనోహర్