విదేశీ యువతిపై పశ్చిమ బెంగాల్ లో నిర్భయ ఘటన..

Posted: 05/31/2016 10:16 AM IST

24 year old nepal girl raped in moving car accused absconding in bengal

పశ్చిమ బెంగాల్ లో దారుణం జరిగింది. దేశం పరుపు తీయడానికి కూడా వెనకాడని కామాంధులు పరదేశీ యువతిని కిడ్నాప్ చేసి గ్యాంగ్ రేప్ కు పాల్పడ్డారు. యువతిని కారులోకి లాక్కున్న మృగాళ్లు.. కదులుతున్న కారులోనే ఆ యువతిని ఏకంగా మూడు గంటల పాటు సామూహిక అత్యాచారం జరిపారు. కోల్‌కతా విమానాశ్రయానికి కిలోమీటరు దూరంలో ఉన్న వీఐపీ రో డ్డులో గల ఓ బారులో ఆమె పాటలు పాడుతుంది. తన షిఫ్టు ముగిసిన తర్వాత సెక్టార్ 5 లోని ఓ కేఫ్‌కు వెళ్లాలనుకుంది.

దాంతో బాధితురాలు తన మొబైల్ యాప్ ద్వారా క్యాబ్ బుక్ చేసుకుని, సాల్ట్ లేక్ సెక్టార్ 5 లోని ఆర్‌డీబీ సినిమాస్ వద్ద దిగింది. అక్కడి నుంచి కేఫ్ వెళ్లే మార్గానికి వెళ్లే దారివిషయంలో కన్ఫూష్ అయ్యింది. నగరానికి కొత్త కావడంతో దారిలో వెళ్లేవారిని కేఫ్ కు మార్గాన్ని అడుగుతుండగా ఒక వ్యక్తి సాయం చేస్తానంటూ ముందుకొచ్చి.. తప్పుదోవ పట్టించాడు. ఆమె నడుస్తుండగా అతడు ఫోన్లో ఎవరితోనో మాట్లాడాడు. కాసేపటి తర్వాత ఉన్నట్టుండి ఓ కారు ఆమె ముందుకు వచ్చింది. అందులోనివాళ్లు ఆమెను లోపలకు లాగి కారులను స్పీడుగా ముందుకు తీసుకెళ్లారు.

అప్పటికే కారులో వున్న నలుగురు అమెపై అత్యాచారానికి తెగబడ్డారు. వాళ్లు ఒకరి తర్వాత ఒకరు ఆమెపై కదులుతున్న కారులోనే అత్యాచారం చేశారు. ఇలా ఏకధాటిగా మూడుగంటల పాటు అమెపై అత్యాచారం చేస్తునే వున్నారు. తెల్లవారుజామున 3.30 గంటల సమయంలో కారు ఓ కాలువ దగ్గర ఆగినప్పుడు బాధితురాలు కారు అద్దం కిందకు దింపి, గట్టిగా అరిచింది. ఈ పరిణామాంలో కారులో వున్న నలుగురు అగంతకులు భయపడ్డారు. దీంతో వారు బాధితురాలిని కారులోంచి బలంగా తోసేసి వెళ్లాపోయారు.

ఈ ఘటనలో తీవ్రంగా గాయపడిన బాధితురాలిని ఓ టాక్సీ డ్రైవర్ చూసి పోలీసులకు తెలిపాడు. వాళ్లు ఆమెను ఆస్పత్రికి తీసుకెళ్లి చికిత్స చేయిస్తున్నారు. ఆమె శరీరం నిండా కోసిన గాయాలున్నాయని, ఆమె మానసికంగా కూడా బాగా దెబ్బతిందని వైద్యులు తెలిపారు. అయితే గతంలో జరిగిన పార్క్ స్ట్రీట్ ఉదంతంలోలా కాకుండా పోలీసులు వెంటనే స్పందించడం ఇక్కడ విశేషం. అప్పట్లో నాలుగు రోజుల తర్వాత బాధితురాలికి వైద్యపరీక్షలు చేయించడం తీవ్ర వివాదం అయ్యింది.

మనోహర్