ITEMVIDEOS: విమానాన్ని తాకిన మెరుపులు.. ప్రమాదమా..?

Posted: 04/30/2016 03:48 PM IST

ప్రతికూల వాతావరణం వున్నప్పుడు విమానాలు నిలిపివేయడం మనకు తెలుసు. వర్షం అధికంగా కురిసినా.. లేక మంచు అధికంగా పడుతున్న విమానాశ్రయాలు మూతబడతాయి, అంతేకాదు విమానాలు ప్రయాణించడానికి కూడా వీలుండదన్న విషయం మాత్రమే మనకు తెలుసు. అలాంటి అకాశంలో విమానాలు ప్రయాణిస్తున్న సమయంలో వాటిని లైటింగ్ అదే మెరుపులు తాకితే.. విమానాంలో వున్నవారికి ప్రమాదమా..? అన్న సందేహం కలుగుతుంది. మెరుపులు తాకితే విమానానికి అందులో వున్న ప్రయాణికులకు ఏలాంటి ప్రమాదం వాటిల్లుతుందన్న అలోచనే కొంత భయాందోళనను కలిగిస్తుంది.

ఈ అలోచన రావడానికి ఆ రెండు విమానాలే కారణం. వాతావరణం ప్రతికూలంగా ఉన్న లండన్ ఆకాశంలో మెరుపులు రెండు బ్రిటీష్ విమానాలను వేర్వేరు సమయాల్లో తాకాయి. అయితే బ్రిటీష్ ఎయిర్‌వేస్‌కు చెందిన ఐస్‌లాండర్ విమానాన్ని మెరుపు తాకినప్పుడు కెమెరాకు చిక్కింది. అది చూడగానే ఈ సందేహం ఉత్పన్నమైంది, అయితే హెత్రో విమానాశ్రంలో  లాండ్ అయిన మెరుపులు తాకిన విమానంలోంచి దిగిన ఓ ప్రయాణికురాలు లిజ్ డాబ్సన్ మీడియాతో మాట్లాడుతూ.. తాము షాక్ గురికాగా, మెరుపు తగలడంతో విమానం కూడా ఒక్క కుదుపుకు లోనైందని చెప్పారు.

తమ విమానాన్ని ఎదో వస్తువు బలంగా తాకినట్టు అనిపించిందన్నారు. అయితే ఆ ఫ్లాష్ ను మాత్రమే తాము చూడగలిగామని, అది పూర్తిగా తమకు వెనకుగా జరిగిన ఘటనగా చప్పుకోచ్చారు. బ్రీటీష్ ఎయిర్ వేస్ కు చెందిన మరో విమానంలో ప్రయాణించిన విద్యార్థి ఫిలిప్ప బార్న్స్.. తమ విమానాన్ని మెరుపు తగలగానే విమానం కుదపునకు గురైందని, కాగా, ఇది నిత్యం ఎదురయ్యే కుదుపు కాదని విమాన వర్గాలు తెలిపాయని ప్రకటించారన్నారు. అయితే విమాన వర్గాలు మాత్రం తమకు లైటింగ్ తగినట్లు ప్రకటించలేదన్నారు. కాగా మెరుపులు తాకినా ఏమీ కాకుండా విమానాల బాడీ తయారౌతుంది. కాబట్టి ప్రయాణీకులకు ఏమీ కాలేదని బ్రిటీష్ ఎయిర్‌వేస్ అధికారులు తెలిపారు.

మనోహర్