తెలుగింటి ఆడపడచు.. దేశం విడిచి వెళ్థామనిందా..?

Posted: 11/26/2015 04:27 PM IST

దేశంలో నానాటికీ పెరిగిపోతున్న అసహనం అంశంపై అందరిలా తాను మాట్లాడాలనుకున్నాడు. తమ తనయుడి భవిష్యత్ గురించి ముందుగానే ఆలోచించిన తాము ఆందోళన చెందామని చెప్పాడు. భవిష్యత్తులో తమ తనయుడు ఇబ్బందులు ఎదుర్కోవాల్సి వస్తుందని భావించి దేశం విడిచి వెళ్దామా అని అడిగి.. అంశాన్ని అగ్గి మీద గుగ్గిలంలా రేకెత్తించింది తెలుగింటి ఆడపడచు అంటే నమ్మశక్యంగా లేద కదూ. కానీ ఇదే నిజం. ఎందుకంటే బాలీవుడ్ అగ్రనటుడు అమిర్ ఖాన్ భార్య కిరణ్‌ రావు తెలుగింటి ఆడపడచు కాబట్టి.

’నా భార్య.. దేశం వదిలి వెళదామంటోంది’ అంటూ ఇటీవల ఆమీర్‌ చేసిన వ్యాఖ్యలతో అందరి దృష్టి కిరణ్‌రావుపైకి మళ్లింది. కిరణ్‌ రావుకు తెలంగాణతో దగ్గరి బంధమే ఉంది. కిరణ్‌ తాతగారు(తండ్రి వైపు) మహబూబ్‌నగర్‌లోని వనపర్తి రాజవంశీకులు. ఇంజనీరింగ్‌ పట్టభద్రుడైన కిరణ్‌ తండ్రి ఉద్యోగరీత్యా బెంగళూరు, కోల్‌కతా, ముంబైల్లో పనిచేశారు. దీంతో కిరణ్‌ విద్యాభ్యాసం కూడా కోల్‌కతా, ముంబైలలో సాగింది.

కోల్‌కతాలోని లొరెటో హౌస్‌లో పాఠశాల విద్య పూర్తి చేసిన కిరణ్‌ ఎకనామిక్స్‌ డిగ్రీని ముంబైలోని సోఫియా కళాశాల నుంచి తీసుకొన్నారు. అనంతరం మాస్‌ కమ్యూనికేషన్స్‌లో మాస్టర్స్‌ డిగ్రీని ఢిల్లీలోని జామియా మిలియా ఇస్లామియా వర్సిటీ నుంచి పొందారు. సినీరంగంపై ఉన్న ఆసక్తితో అశుతోష్‌ గోవర్కిర్‌ వద్ద అసిస్టెంట్‌ డైరక్టర్‌గా చేరిన కిరణ్‌.. ఆమీర్‌ఖాన్‌ నిర్మించిన లగాన్‌కు పనిచేశారు. ఆ సమయంలో ఆమీర్‌తో ఏర్పడిన పరిచయం వివాహానికి దారితీసింది. 2002లో ఆమీర్‌ తన తొలి భార్య రీనా దత్తాకు విడాకులు ఇచ్చి కిరణ్‌రావును పెళ్లి చేసుకొన్నారు.

వీరికి ఆజాద్‌ అనే బాబు ఉన్నాడు. స్వాతంత్య్ర సమరయోధుడు అబుల్‌ కలాం ఆజాద్‌ పేరు మీదుగా తన కొడుకుకు ఆజాద్‌ అని పేరు పెట్టినట్లు కిరణ్‌ గతంలో ప్రకటించారు. అయితే తాజాగా అమిర్ ఖాన్ చుట్టూ పెద్ద వివాదమే రాజకుంటున్న నేపథ్యంలో అసలు దానికి అజ్యం పోసింది కూడా తెలుగింటి ఆడపడచని ఎంత మింది తెలుసు. అయితే తెలుగింటి ఆడపడుచుకు ఎన్ని ఇబ్బందులు ఎదురవుతున్నా.. తెలుగు వారు మాత్రం ఏం చేయగలరు. దేశానికి సంబంధించిన అంశం కాబట్టే కిమ్మనకుండా వున్నారు. అసలు ఆమె ఇలాంటి వ్యాఖ్యలు చేసిందా అని అవాక్కయిన వాళ్లు ఉన్నారు. వనసర్తి రాజకుటుంబానికి చెందిన కిరణ్ రావు నోట ఇలాంటి మాటలా..? అంటూ ఆశ్చర్యం వ్యక్తం చేసిన వాళ్లూ లేకపోలేదు.

జి. మనోహర్