ప్రేమ పేరుతో యువతిపై గ్యాంగ్ రేప్.. సోషల్ మీడియాలో పెడతానని వేధింపులు..

Posted: 11/15/2015 09:34 AM IST

Young girl raped and threatened with cell phone recording

పెళ్లి చేసుకుంటానని మాయమాటలు చెప్పి స్నేహితునితో కలసి ప్రేమించిన యువతిని నిర్జన ప్రదేశానికి తీసుకెళ్లి సామూహిక అత్యాచారానికి తెగపడ్డారు మగమృగాళ్లు. ప్రేమ ముసుగులో జరిగే ఇలాంటి దారుణాలు అనేకం. కాగా కొందరు మాత్రమే ధైర్యంగా పోలీసులను ఆశ్రయించి పిర్యాదు చేస్తున్నారు. తాజాగా ప్రేమ పేరుతో మోసపోయిన యువతి బళ్లారి జిల్లా కూడ్లిగి తాలూకా కొట్టూరు పోలీస్ స్టేషన్లో పిర్యాదు చేసింది. తనను ప్రేమ పేరుతో మోసగించి.. అత్యాచారానికి పాల్పడిన ఓ నయవంచకుడు, అతని మిత్రుడిపై చర్యలు తీసుకోవాలని బాధితురాలు పిర్యాదులో పేర్కోంది.

తనపై అత్యాచారం చేసి... ఆ దృశ్యాలను మొబైల్లో చిత్రీకరించి తనను వేధిస్తున్నారని బాధితురాలు ఫిర్యాదు పేర్కోంది. పోలీసుల కథనం ప్రకారం... కొట్టూరు పోలీస్ స్టేషన్ పరిధిలో ఓ క్యాంపునకు చెందిన 18 ఏళ్ల పీయూసీ విద్యార్థినిని అదే క్యాంపునకు చెందిన ఏ రమేష్ (21) అనే యువకుడు సదరు యువతితో స్నేహంగా ఉంటున్నాడు. ఆ క్రమంలో నిన్ను ప్రేమిస్తున్నాను... పెళ్లి చేసుకుంటానని నమ్మించాడు. ఆ మాటలను ఆ యువతి నమ్మింది. దీంతో అక్టోబర్ 5వ తేదీన రమేష్ స్నేహితుడు పరశురాం.. సదరు యువతి ఇంటికి వచ్చి.. మీ పెళ్లి విషయంపై రమేష్ మాట్లాడదలచుకున్నాడని, వెంటనే తనతో వెంటరావాలని ఒత్తిడి చేశాడు.

దీంతో పరశురాం మాటలు నిజమని భావించి యువతి అతడి పాటు వెళ్లింది. ఆమెను నిర్జన ప్రాంతానికి తీసుకువెళ్లాడు. అప్పటికే అక్కడ వేచి ఉన్న రమేష్.. అతడి స్నేహితుడు ఆమెపై అత్యాచారం చేశారు. ఆ సన్నివేశాలను మొబైల్లో చిత్రీకరించారు. ఈ విషయాన్ని ఎవరికైనా చెబితే ... వాట్సాప్ ద్వారా ఇతరుల మొబైల్కు పంపుతామని బెదిరించారు. దీంతో బాధితురాలు మిన్నకుండి పోయినట్లు పోలీసులకు చెప్పింది. కేసు నమోదు చేసి దర్యాప్తు చేస్తున్నట్లు అందులో భాగంగా నిందితుల కోసం గాలింపు చర్యలు చేపట్టినట్లు పోలీసులు తెలిపారు.

జి. మనోహర్