పాకిస్థాన్ ప్రేమోన్మాది చేతిలో భారతీయ బాలిక హత్య

Posted: 10/07/2015 09:39 PM IST

అసలే దాయాధి దేశాల మధ్య ఉప్పు, నిప్పులా వున్న పరిస్థితులు ఇప్పుడు దేశం కాని దేశంలో కూడా అగ్గిని రాజేస్తున్నాయి. తన ప్రేమను తిరస్కరించిందన్న అగ్రహంతో రెచ్చిపోయిన ప్రేమోన్మాది అభం శుభం తెలియని 14 ఏళ్ల భారతీయ బాలిక కత్తితో దారుణంగా పోడిచి హతమార్చాడు. అయితే ఆ ప్రేమోన్మాది పాకిస్థాన్ కు చెందిన వాడని సమాచారం. అతడి వయసు కూడా 14 ఏళ్లే. ఈ దారుణం దుబాయ్లో జరిగింది. బాలికను కత్తితో పోడిచి హతమార్చిన పిదప, ఆ యువకుడి తనకు తాను ఆత్మాహుతి చేసుకున్నాడు. బాలిక తల్లి ఉద్యోగం కోసం బయటకు వెళ్లిన సమయంలో ఆ కుర్రాడు బాలిక ఉండే ఫ్లాట్కు వెళ్లాడు. తర్వాత వాళ్లిద్దరి మధ్య ఏం గొడవ జరిగిందో మాత్రం స్పష్టంగా తెలియలేదు.

ఆమెను కత్తితో కసితీరా పొడిచి చంపేసిన తర్వాత.. బాలికతో పాటు తనపై కూడా కిరోసిన్ పోసుకున్న బాలుడు నిప్పంటించుకున్నాడు. దాంతో ఆ ఫ్లాట్ లోని బెడ్రూం మొత్తం కూడా తగలబడిపోయింది. పోస్టుమార్టం, ఫోరెన్సిక్ నివేదికలు వచ్చిన తర్వాత ఇద్దరి మృతదేహాలను వాళ్ల బంధువులకు అందిస్తామని పోలీసులు చెప్పారు. గదిలో ద్రవ ఇంధనం ఉందని అంటున్నారు. ఆ బాలిక మంచి డాన్సర్ కావాలని అనుకునేదని, ప్రముఖ భారతీయ నృత్యబృందంలో ఆమె సభ్యురాలని తెలుస్తోంది. బాలిక కుటుంబ సభ్యులు తీవ్ర దిగ్భ్రాంతికి గురయ్యారు.

జి. మనోహర్