ఔను వాళిద్దరూ డేటింగ్ చేస్తున్నారు.. పుకార్లను నిజం చేస్తున్న ఫోటోలు

Posted: 10/03/2015 07:02 PM IST

ఔను వాళిద్దరూ డేటింగ్ చేస్తున్నారు. నిజమేనండీ.. వాళ్లిద్దరి మధ్య అన్యోన్యత పెరగడంతో ఈ మేరకు కొన్నాళ్లుగా పుకార్లు వస్తున్నాయి కానీ, ఈ మధ్య ఇది నిజమంటూ సాక్ష్యాలు, ఆధారాలు కూడా బయటపడ్డాయి. వాళ్లిద్దరూ డేటింగ్ చేస్తున్నారంటూ ఓ బ్రీటీష్ మీడియా కథనాన్ని ప్రచురించిన మరుసటి రోజునే వారిద్దరూ కలసి మలిబు బీచ్ వద్ద పాదరక్షలు లేకుండా కాలినడకన కారులో ఎక్కేప్పుడు తీసీన ఫోటోలు బయటకు వచ్చాయి. దీంతో వీరిద్దరి మధ్య గత కొన్నాళ్లుగా వస్తున్న పుకార్లు నిజమేనని అభిమానులు బావిస్తున్నారు. ఇంతకీ ఎవరా ఇద్దరూ..? ఏమా కథ అంటారా..?

ప్రముఖ హాలీవుడ్ నటుడు స్కాట్ ఈస్ట్ వుడ్, ప్రముఖ మోడల్ చార్లోటీ మెక్ కిన్నీలు ఇద్దరూ పీకల్లోతు ప్రేమలో కూరుకుపోయి డేటింగ్ కూడా చేసేస్తున్నారు. 29 ఏళ్ల అందగాడితో 22 అపరంజి బొమ్మ కలసి మలిబు బీచ్ వద్ద స్నానాలు చేసి వస్తూ ఇలా ఫోటోగ్రాఫర్ కి చిక్కారు. చోక్క లేకుండా ఒక చేతిలో టవల్ మరో చేతిలో చెప్పులు పట్టుకుని.. చలువ కళ్లజోడు పెట్టుకుని ఫోన్ లో మాట్లాడుతూ నటుడు ఈస్ట్ వుడ్ వస్తుండగా, అయనకు కొంచెం దూరాన్ని మెయిన్ టెయిన్ చేస్తూ..ఒ చేతిలో పర్సు, మరో చేతిలో పాదరక్షలు పట్టుకుని వస్తుంది మోడల్. ఇప్పుడైనా వీరి మధ్య జరుగుతున్నదేంటో చెబుతారా..? లేక దాటవేత దోరణినే అవలంభిస్తారా..? అన్నది వేచి చూడాల్సిందే.

జి. మనోహర్