లుధియానాలో దారుణం.. కిడ్నాపైన పాఠశాల విద్యార్థినిపై అత్యాచారం, హత్య

Posted: 09/04/2015 03:37 PM IST

School girl allegedly gang raped murdered in punjab s ludhiana

పంజాబ్ లో ఏకంగా ముఖ్యమంత్రి ప్రకాష్ సింగ్ బాదల్ కుటుంబసభ్యులకు చెందిన సంస్థ బస్సులో యువతి అమై తల్లిపై లైంగిక వేధింపులు చోటుచేసుకున్న తరువాత.. రాష్ట్రంలో క్రమంగా మహిళలు, యువతులపై అత్యాచారాలు అధికమవుతున్నాయి. తాజాగా పంజాబ్ నగరం లుధియానాలో మరో దారుణం జరిగింది. ఇటీవల కిడ్నాప్నకు గురైన ఓ విద్యార్థిపై అగంతకులు అత్యాచారానికి పాల్పడటంతో పాటు చివరకు అమె ప్రాణాలను కూడా తీశారు. వివరాల్లోకి వెళ్తే.. పంజాబ్ లోని లూధియానాకు చెందిన విద్యార్థిని స్కూలు నుంచి ఇంటికి వస్తుండగా బుధవారం సాయంత్రం కిడ్నాప్నకు గురైంది. విద్యార్థినిని ఓ ఇంట్లోకి తీసుకెళ్లిన ఆగంతకులు బాలికపై సామూహిక అత్యాచారానికి తెగబడ్డారు.

ఆ తరువాత రోజు సాయంత్రానికి బాలిక శవమై ఓ కాలువలో తేలింది. పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించగా, అత్యాచారం జరిగినట్లు డాక్టర్లు నిర్ధారించారు. బాధిత బాలిక శరీరంపై సుమారు 17 గాయాలున్నట్లు వారు తెలిపారు. తలపై పెద్దగా గాట్లు కూడా ఉన్నాయని, బలమైన ఆయుధంతో నిందితులు ఆమెపై దాడి చేసి ఉండవచ్చని తెలుస్తోంది. బాధిత విద్యార్థిని బంధువులు, కుటుంబసభ్యులు తమకు న్యాయం చేయాలని మృతదేహంతో వారు ఆందోళన చేపట్టారు. ముఖ్యమంత్రి, కేంద్రమంత్రికి చెందిన బస్సులో జరిగిన అఘాయిత్యంపై కేసు నమోదుకు వెనక్కు తగ్గిన పోలీసులు.. ఆ తరువాత ప్రజావ్యతిరేకత పెల్లుబిక్కడంతో గత్యంతరం లేని పరిస్థితిలో కేసు నమోదు చేశారు. అయితే ఈ కేసులోనైనా కనీసం నిందితులకు శిక్షపడేలా చేస్తారో..? లేదో..? వేచి చూడాలి మరి.

జి మనోహర్