https://www.teluguwishesh.com/
The Hollywood Actresses Nude Photos Case Completes One Year But Yet Not Find Criminals | FBI Investigation | Jennifer Lawrence
సరిగ్గా ఏడాది క్రితం.. జెన్నిఫర్ లారెన్స్ తోపాటు మరికొందరు హాలీవుడ్ తారలకు సంబంధించిన నగ్నచిత్రాలు హ్యాకింగ్ కు గురై లీకయ్యాయి. వాళ్ల న్యూడ్ ఫోటోలు లీక్ అవడమే ఆలస్యం.. ఇంటర్నెట్ లో వాటిని తరించేందుకు నెటిజన్లు ఒక్కసారిగా పడ్డారు. ఆమధ్య ఈ లీకేజ్ ఘటన పెద్ద సంలచనంగా మారింది. అంతేకాదు.. మరికొన్నాళ్ల తర్వాత రష్యాకు చెందిన ఓ మహిళా మంత్రి, యూరోప్ చెందిన మరో మోడల్ నగ్న ఫోటోలూ లీకయ్యాయి. దాంతో వాళ్లు తమ గోడు వెళ్లబోసుకున్నారు. వెంటనే ఆ ఫోటోలను హ్యాక్ చేసి, లీక్ చేసిన వారిపై చర్యలు తీసుకోవాలంటూ ఫిర్యాదు చేశారు. ఈ విధంగా ఫోటోలను లీక్ చేయడం.. సెక్స్ నేరం కిందకే వస్తుందని, దోషులను పట్టుకొని కఠినంగా శిక్షించాలని జెన్నిఫర్ లారెన్స్ బహిరంగంగా డిమాండ్ చేసింది.
వెంటనే స్పందించిన ఎఫ్‌బీఐ అధికారులు కేసు నమోదు చేసి, విచారణ చేపట్టారు. ఎంతోమంది ఐపీ చిరునామాలు గాలించారు.. ఎన్నో కంప్యూటర్లను స్వాధీనం కూడా చేసుకున్నారు. కానీ.. ఇప్పటికీ ఆ లీకేజ్ దోషులను మాత్రం ఎఫ్‌బీఐ పట్టుకోలేకపోయింది. కేసు ఇప్పటికీ తెరిచే ఉందని, మూసేయలేదని ఎఫ్‌బీఐ అధికారులు సెలవిచ్చారు కూడా! ఇదిలావుండగా.. 2014 ఆగస్టు 31వ తేదీన హ్యాకర్లు ఆపిల్ ‘ఐక్లౌడ్’ ఖాతాలను హ్యాక్ చేసి, కొంత మంది హాలీవుడ్ హీరోయిన్ల నగ్న చిత్రాలను బయటకు లాగారు. వాళ్లకు సంబంధించిన కొన్నివేల చిత్రాలను వివిధ వెబ్‌సైట్లలో పోస్ట్ చేశారు. ఇది అప్పట్లో ఎంతో సంచలనం సృష్టించింది. ఇక ఈ ఘటనపై స్పందించిన ఆపిల్ సంస్థ.. తమ సర్వర్లు పటిష్ఠంగానే ఉన్నాయని, తమ సర్వర్ల ద్వారా ఈ ఫొటోలు బయటకు పోలేదని తెలిపింది. ఖాతాదారులు ఇచ్చిన బలహీనమైన పాస్‌వర్డ్స్ ద్వారానే ఈ నేరం జరిగిందని ఆపిల్ వివరణ ఇచ్చుకుంది.
ఆ నాటి అనుభవంతో ఆపిల్ ‘ఐక్లౌడ్’ రెండంచెల భద్రతా వ్యవస్థను ప్రవేశపెట్టింది. ఇతరులు కొంత కష్టపడితే కనిపెట్టే పాస్‌వర్డ్స్‌ను ఇవ్వకూడదని, సులభంగా గుర్తుంటుందని భావించి పుట్టినరోజుతోనో, పుట్టిన ప్రాంతంతో, ఈ మెయిల్ చిరునామాతో పాస్‌వర్డ్స్ ఇవ్వరాదని సూచించింది. పక్కవారు కూడా కనిపెట్టలేని విధంగా పాస్‌వర్డ్స్ ఉండాలని చెప్పింది. ఎడల్ట్ డేటింగ్ వెబ్‌సైట్ ‘ఆస్లీ మాడిసన్’ మరో వెబ్‌సైట్ ‘సోని పిక్చర్స్’ను ఇటీవల హ్యాకర్లు హ్యాక్ చేసిన నేపథ్యంలో సెక్యూరిటీ పాస్‌వర్డ్స్ విషయంలో మరింత జాగ్రత్తగా ఉండాలని ఆపిల్ కంపెనీ హెచ్చరించింది. ఉపయోగించే ఎలక్ట్రానిక్ పరికరాలు కూడా విశ్వసించదగ్గవి మాత్రమే కొనుగోలు చేయాలని సూచించింది. ఏదిఏమైనా.. ఫోటోలు లీకేజ్ కేసు ఇంకా కొలిక్కి రాకపోవడంతో హాలీవుడ్ తారలు మండిపడుతున్నారు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
