ప్రత్యేక హోదా కోసం ప్రాణ త్యాగానికి సిద్దపడ్డాడు

Posted: 08/27/2015 08:34 AM IST

A man attemp to suicide for special status for the state of ap

ఏపికి ప్రత్యేక హోదా కల్పించాలన్న డిమాండ్ చేస్తే ఆత్మమత్యల పర్వానికి తెర లేచింది. మొన్నటికి మొన్న మునికోటి ఆత్మమత్య తెలుగు వారికి కన్నీటిని మిగిల్చింది. ఏపికి ప్రత్యేక హోదా కల్పించడంలో కేంద్ర ప్రభుత్వం మోసం చేస్తోందని మునికోటి ఆత్మహత్యకు పాల్పడ్డారు. తాజాగా మరో మునికోటి ఏపికి ప్రత్యేక హోదా కల్పించాలని తప ప్రాణాలను బలివ్వడానికి సిద్దపడ్డారు.ప్రత్యేక హోదా రాదన్న మాట అశనిపాతం కావడంతో పశ్చిమ గోదావరి జిల్లాకు చెందిన సుందరపు దుర్గా ప్రసాద్ ఆత్మాహుతి యత్నం చేశారు. చిరు వ్యాపారి అయిన దుర్గాప్రసాద్ పశ్చిమ గోదావరి జిల్లా ఉంగుటూరు మండలం కైకరం గ్రామానికి చెందిన వాడు. ప్రత్యేక హోదా రాదన్న నిరాశతో ఒంటిపై పెట్రోలు పోసుకుని నిప్పంటించుకున్నాడు. 50 శాతం కాలిన గాయాలతో నినాదాలు చేసిన దుర్గా ప్రసాద్ ను మొదట తాడేపల్లి గూడెం ఏరియా ఆస్పత్రికి తర్వాత ఏలూరు, అక్కడినుంచి గుంటూరు జీజీహెచ్ కు తరలించారు.

కొన్నేళ్ల క్రితం హైదరాబాద్ నుంచి వచ్చిన దుర్గా ప్రసాద్ కైకరంలో చిన్నవ్యాపారం చేసుకుంటున్నాడు. ప్రత్యేక హోదా కోసం గతంలో చంద్రబాబుకు, జగన్ తణుకు దీక్షలూ వినతి పత్రాలు ఇచ్చాడు. గత రెండు మూడు రోజులుగా జరుగుతున్న ఢిల్లీ పరిణామాలను టీవీలో చూస్తూ ప్రత్యేక హోదా, ప్యాకేజీ రాదని ముఖ్యమంత్రి ఒప్పుకున్నారని తెలిసి మనస్థాపానికి గురై ఆత్మహత్యా యత్నం చేశాడు. అతడి అరుపులతో భార్య జ్యోతి, కుమార్తెలు లేచి మంటల్లో దుర్గా ప్రసాద్ ను చూసి తీవ్ర భయాందోళనలకు గురయ్యారు. ఆస్పత్రికి తరలించారు. ప్రత్యేక హోదా వస్తే..కనీసం భవిష్యత్ తరాలు , తన బిడ్డల భవిష్యత్ బాగుంటుందని ఆశించానని దుర్గా ప్రసాద్ అన్నారు.ప్రత్యేక హోదా కల్పించాలని డిమాండ్ చేస్తు ఇలా ఆత్మహత్యలకు పాల్పడటం సరికాదు. ప్రభుత్వాలు ఇలా మాట మార్చిన తీరు కూడా అస్సలు మంచిది కాదు. మరి తెలంగాణ ఉద్యమంలాగా ప్రత్యేక హోదా కోసం కూడా ఎంత మంది బలదానాలు ఇవ్వాల్సి వస్తుందో చూడాలి.

*Abhinavachary*