గంటలో కోరుకున్న మద్యం ప్రత్యక్షం.. కొత్త సేవకు అమోజాన్ శ్రీకారం..

Posted: 08/26/2015 06:45 PM IST

మహానగరాల మందుబాబులకు శుభవార్త. అయితే అన్ని దేశాలకు కాదు కేవలం అగ్రరాజ్యం అమెరికాలోని మహానగరరాల మందుబాబులకే ఇది శుభవార్త. కాలు కదపుకుండా ఆఫీను నుంచి ఇంటికి వెళ్లగానే.. మీ కోరిక తీర్చేందుకు.. అలసటను బాపేందుకు మేమున్నామంటూ ముందుకు వచ్చి మందును అందజేస్తుంది ఓ ఆన్ లైన్ సంస్థ. తన వేగవంతమైన సేవలతో ప్రపంచంలోనే అగ్రగామిగా దూసుకెళ్తున్న ప్రముఖ ఈ కామెర్స్ దిగ్గజ సంస్థ అమెజాన్ ఈ వినూత్న కార్యక్రమానికి శ్రీకారం చుట్టింది.  

ఆర్డర్ చేసిన గంటలోపే ఇంటి ముందుకు బీరు, వైన్, లిక్కర్లాంటి మత్తుపానియాలు అందించనుంది. ప్రైం నౌ సర్వీస్ పేరిట ఈ సర్వీసులను అమెజాన్ కొత్తగా ప్రారంభించింది. ఇప్పటికే ఈ పద్ధతిని ప్రారంభించిన అమెజాన్ తాజాగా అమెరికాలో ఈ సర్వీసును ప్రారంభించింది. ప్రారంభించిన క్షణాల్లోనే ఈ విధానానికి ఆధరణ పెరిగిందని, ఈ కామర్స్ ద్వారా మద్యం కొనుగోలుచేసేవారి సంఖ్య అమాంతం పెరిగిందని అమెజాన్ సంస్థ నిర్వాహకులు తెలిపారు. త్వరలోనే ఒక్కొక్కటిగా వివిధ దేశాలకు ఈ సర్వీసులను విస్తరింపజేయాలనుకుంటున్నారు. మరి మన దేశంలోకి అమెజాన్ మద్యం సేవలు ఎప్పటికి వస్తాయో..? అని ఆశగా ఎదురుచూస్తున్నారు మధ్యం బాబులు

జి.మనోహర్