సలాం అంటూ సెలవుతీసుకున్నా.. కలాం.. నీకు గులామంది దేశం.

Posted: 07/30/2015 03:37 PM IST

ప్రజా రాష్ట్రపతి, భారతరత్న అబ్దుల్‌ కలాం ఇక సెలవంటూ వెళ్లిపోయినా.. ఆయనకు గులాంమంటున్న దేశం మాత్రం ఆచంద్రతారాక్కం గుర్తుపెట్టుకుంటుంది. అణ్వస్త్ర సాధన, దాని వినియోగ ఫలాలను ప్రజలకు అందించేందుకు ఆయన చేసిన కృష్టి జాతి మరచిపోదు. అందుకనే ఆయన అంత్యక్రియలుకు పెద్ద ఎత్తున్న హాజరయ్యారు ప్రజలు. రామేశ్వరం రైల్వేస్టేషన్‌ దగ్గర సైనిక లాంఛనాలతో కలాం అంత్యక్రియలు నిర్వహించారు. మస్లిం మత పెద్దలు ఆయన పార్థివదేహం వద్ద ప్రత్యేక ప్రార్థనలు చేసి మత సంప్రదాయాల ప్రకారం పార్ధివదేహాన్ని ఖననం చేశారు.

ప్రధాన మంత్రి నరేంద్రమోదీ, తమిళనాడు గవర్నర్‌ రోశయ్య, మంత్రులు, కేంద్రమంత్రులు పారికర్‌, వెంకయ్యనాయుడు, కాంగ్రెస్‌ ఉపాధ్యక్షుడు రాహుల్‌ గాంధీ, ఆజాద్‌, సీఎంలు చంద్రబాబు, ఉమెన్‌చాంది, సిద్దరామయ్య, తమిళనాడు మంత్రి పన్నీర్‌సెల్వం, టీడీపీ ఎంపీ సీఎంరమేష్‌, శాస్త్రవేత్తలు, కోలీవుడ్‌ ప్రముఖులు తదితరులు అంతిమ సంస్కారానికి హాజరయ్యారు. పెద్ద సంఖ్యలో వచ్చిన అభిమానులు, ప్రజలు అశ్రునయనాలతో కలాంకు తుది వీడ్కోలు పలికారు. అంతకుముందు రామేశ్వరంలోని స్వగృహం నుంచి భారీ జనసందోహం మధ్య కలాం అంతిమయాత్ర నిర్వహించారు.

జి.మనోహర్