కన్నకూతురి తాళి కట్టి రెండో భార్య అన్న కసాయి తండ్రి

Posted: 07/04/2015 09:53 PM IST

Father married 12 year old girl calls her his second wife

తమిళనాడులో అత్యంత దారుణం జరిగింది. పాము తన గుడ్లను తానే తింటుందన్నట్లు ఓ కసాయి తండ్రి, కర్కష తండ్రి వ్యవహరించాడు. సభ్య సమాజం ఇప్పటి వరకు కని వినీ ఎరుగని రీతిలో.. తన 12 ఏళ్ల కూతురి మెడలో తానే మంగళసూత్రాన్ని కట్టి అమంగళచర్యలకు పాల్పడ్డాడు. తన కూతరు తనకు కూతరు కాదని తన రెండో భార్య అని పిలుపించుకున్నాడు. అది చాలదన్నట్ల అమెపై గత ఏడాది కాలంగా వరుసగా అత్యాచారానికి పాల్పడుతున్నాడు. సమాజం నివ్వెరపోయే, నిశ్చేష్టులల్ని చేసే ఘటన తమిళనాడులోని మధురైలో జరిగింది. తన కూతురిని అష్టకష్టాలు పడి కన్యాదనం చేసిన తండ్రులుంటున్న ఈ సమాజంలో.. ఇలాంటి చీడపురుగులు కూడా వుంటాయని ఈ ఘటన వెలుగులోకి తీసుకోచ్చింది.

ఈ విషయాన్ని తెలుసుకున్న అతని సమీప బంధువు చైల్డ్ హెల్ఫ్ లైన్ కు ఫోనే చేస్తే కానీ అసలు విషయం బయట పడలేదు. అయితే భర్త దారుణమైన హెచ్చరిక నేపథ్యంలో ఓ తల్లిగా ఈ దారుణాన్ని ఏడాది కాలంగా మౌనంగా భరిస్తున్నది అతని భార్య. విషయాన్ని భయటకు చెబితే తీవ్ర పరిణామాలను ఎదుర్కవాల్సి వస్తుందని ఆయన భార్య నోరు మూయించారు. ఏడాది కాలంగా మౌనంగా వున్న అమె.. చివరకు ఇంటికి వచ్చిన బంధువుతో విషయాన్ని చెప్పడం, అయన చైల్డ్ హెల్ప్ లైన్ కు ఫోన్ చేసి సమాచారం అందించడం.. దీంతో రంగంలోకి దిగిన పోలీసులు అతడిని కటకటాల వెనక్కి నెట్టడం అన్ని చకచకా జరిగిపోయాయి.

బాధితురాలైన 12 ఏళ్ల చిన్నారిని వైద్య పరీక్షల నిమిత్తం అస్పత్రికి తరలించగా, అమెపై అత్యచారం జరిగినట్లు వైద్యుల నివేధికలు నిర్థారించాయి. దీంతో నిందితుడిపై పలు సెక్షన్ల కింద కేసు నమోదు చేసిన పోలీసులు అతనిపై బాలికలపై అత్యాచార నేరాల నిరోధక చట్టం కింద కూడా కేసు నమోదు చేశారు. బాలికను బాలికల సంక్షేమ కమిటీ సభ్యలకు అప్పగించామని, వారు అమె బాగోగులు చూసుకుంటారని మధురై ఎస్పీ విజేంద్ర బిదారి తెలిపారు.

జి మనోహర్