కరిగిన అమ్మ మనస్సు.. రోడ్డు ప్రమాద బాధితులను అదుకుంటా..

Posted: 07/04/2015 09:50 PM IST

రోడ్డు ప్రమాదంలో క్షతగాత్రులైన బాధిత కుటుంబాన్ని అదుకుంటానని బాలీవుడ్ డ్రీమ్ గాళ్, అలానటి నటి.. మధుర నియోజకవర్గం నుంచి పార్లమెంటుకు ప్రాతినిథ్యం వహిస్తున్న బిజేపీ ఎంపి హేమా మాలిని చెప్పారు. ఇవాళ అసుపత్రి నుంచి డిశ్చార్జ్ అయిన అమో ప్రత్యేక చార్టెడ్ విమానంలో ముంబాయికి చేరుకున్నారు. తన కూతరు ఇసాడయాల్, అమె భర్త తొడురాగా, అమె వారితో పాటు ముంబాయిలోని జుహూ ప్రాంతంలోని తమ నివాసానికి వెళ్లారు. ఈ సందర్భంగా అమె కూతరు ఇషా డియోల్ జుహులో మీడియాతో మాట్లాడుతూ.. రోడ్డు ప్రమాదంలో గాయాలపడిన కుటుంబాలను అదుకుంటామని తమ తల్లి హేమామాలిని చెప్పారన్నారు.

రాజస్థాన్‌లోని దౌసాలో అమె ప్రయాణిస్తున్న బెంజ్ కారు.. అల్గో కారును ఢీ కోనడంతో అల్టోకారులోని చిన్నారి మరణించగా, మిగిలిన ఐదుగురు తీవ్రంగా క్షతగాత్రులయ్యిన విషయం తెలిసిందే. ఈ ఘటనపై సోషల్ మీడియాలోని వచ్చిన విమర్శలను అమె తోసిపుచ్చారు. తమ తల్లి నిద్రలో వుండగా ప్రమాదం సంభవించిందని చెప్పారు. అయినా..అమె ఒక మహిళ అన్నవిషయాన్ని ముందుగా తెలుసుకోవాలన్నారు. ప్రమాదం సంభవించడంతో.. అమెను దారిన పోయేవారు అస్పత్రిలో చేర్పించారని.. అమెకు ప్రమాదం ఎలా సంభవించింది, ఎవరెవరికి గాయాలయ్యాయన్న విషయం తెలియదని చెప్పారు.

అయినప్పటికీ తమ తల్లి బాధిత కుటుంబాలను అధుకునేందుకు ముందుకు వచ్చారని ఇది అమె ఒక ప్రజాప్రతినిధిగా, ఎంపీగా కాకుండా.. ఒక మనస్సున్న తల్లిగా చేస్తున్నారని ఇషా తెలిపింది. ప్రమాదంలో చిన్నారిని కోల్పయిన వారి కోసం అమె వేదన పడుతున్నారని చెప్పింది. ప్రస్తుతం వైద్యుల సూచనల మేరకు అమె కొన్ని రోజుల పాటు తమ నివాసంలోనే విశ్రాంతి తీసుకుంటారని ఇషా తెలిపింది. అయితే అమె పరిస్థతి ఇప్పుడు కాస్త మెరుగ్గా వుందని, అయినా ఇప్పుడు అమె ఎవరినీ కలుసుకునే పరిస్థితిలో లేరని చెప్పింది.

జి. మనోహర్