నడిబజారులో దుశ్యాసన పర్వం.. మహిళ నగ్న వీడియో చిత్రీకరణ..

Posted: 07/04/2015 09:47 PM IST

అతి నిత్యం రావణకాష్టంలా బాంబుదాడులలు, ముష్కర కాల్పులతో దద్దరిల్లే రాష్ట్రం జమ్మూకాశ్మీర్. సరిహద్దు ప్రాంతాలతో పాటు.. రాష్ట్ర వ్యాప్తంగా అనేక చోట్ల ఆర్మీ జవాన్లు, జమ్మూ పోలీసులతో పాటు.. బార్డర్ సెక్యూరిటీ ఫోర్స్ పోలీసులు, స్పెషల్ పార్టీ పోలీసులు అనేకులు ఈ రాష్ట్రంలో అనునిత్యం, అహర్నిషలు విధులు నిర్వహిస్తూనే వుంటారు. ఎక్కడ అలికిడి అయినా.. అక్కడికి క్షణాల్లో వాలిపోతుంటారు. అలాంటి కట్టుదిట్టమై భద్రత వున్న రాష్ట్రంలోనూ మహిళలకు రక్షణ కరువైంది. ఈ రాష్ట్రంలో దారుణం జరిగింది. సభ్యసమాజం తలదించుకునే విధంగా మగమృగాళ్లు పైచాశికత్వంతో మహిళపై దుశ్యాసన పర్యానికి తెరలేపారు.

వివరాల్లోకి వెళ్తే.. ఉదంపూర్ జిల్లా జగనూ ప్రాంతంలో బైక్ పై వస్తున్న యువతీ యువకుడిని ఐదుగురు వ్యక్తులు అడ్డగించారు. యువతితో అసభ్యపదజాలంతో మాట్లాడారు. అంతటితో ఆగకుండా పట్టపగలు.. నట్టనడిబజారులో అందరూ చూస్తుండగానే ఓ యువతిని వివస్త్రను చేసి.. ఆ ఘటనను సెల్ ఫోన్ లో బంధించి సామాజిక మాధ్యమంలో అప్ లోడ్ చేశారు. నిందితుల్లో ఓ ఆర్మీ జవాన్ కూడా వున్నడని సమాచారం. వాట్సాప్ లోనూ ఈ వీడియోను నిందితులు షేర్ చేశారు.

పోలీసులు ఈ ఘటనను సుమోటాగా తీసుకుని కేసు నమోదు చేశారు. నిందితుల్లో ముగ్గురిని అరెస్టు చేసినట్లు ఉదంపూర్ పోలీస్ కమీషనర్ తెలిపారు. బాధితురాలు వేరే వ్యక్తితో కలసి మోటార్ బైక్ పై వెళ్తున్నప్పుడు అసభ్యంగా వ్యవహరించడమే కాక.. పోకిరీలను ప్రతిఘటించినందుకు..అమెను వివస్త్రను చేసి అత్యంత దారుణానికి ఒడిగట్టారని చెప్పారు. ఈ దర్శచర్యను చూసినా ఎవరు స్పందిచకపోవడం దారుణమైన విషయమని, కనీసం తమకు కూడా ఘటనపై సమాచారం అందించలేదని చెప్ాపు. దీంతో తామే ఈ ఘటనపై సుమోటాగా కేసు నమోదు చేసుకుని విచారణ చేస్తున్నామని చెప్పారు.

జి. మనోహర్