పసుపు బాలకృష్ణ .. ఎర్ర హరికృష్ఱ

Posted: 05/28/2015 01:14 PM IST

Nandamuri balakrishna wear yellow shirt but harikrishna wear red shirt at ntr ghat

నందమూరి తారక రామారావు వారసులుగా అటు సినిమా ఇండస్ట్రీలోనూ ఇటు రాజకీయాల్లోనూ రాణించారు బాలకృష్ణ, హరికృష్ణ. తండ్రికి తగిన తనయులుగా ఇద్దరికీ మంచి గుర్తింపు ఉంది. అయితే ఎన్టీఆర్ 92వ జయంతి సందర్భంగా ఎన్టీఆర్ కుటుంబ సభ్యులు ఎన్టీఆర్ ఘాట్ వద్ద నివాళులు అర్పించడానికి క్యు కట్టారు. నందమూరి ఫ్యామిలీలో పెద్దవాడైన హరికృష్ణ, తర్వాత బాలకృష్ణలతో పాటు దాదాపు అందరు కుటుంబ సభ్యులు ఎన్టీఆర్ ఘాటుకు చేరుకొని నివాళి అర్పించారు. పుష్పగుచ్చాలు సమర్పించి ఎన్టీఆర్ ను స్మరించుకున్నారు. అయితే అక్కడికి చేరుకున్న బాలకృష్ణ, హరికృష్ణల గురించే అక్కడి వారంతా చర్చించుకున్నారు. ఎందుకు అంతలా చర్చించుకోవాల్సి వచ్చింది అనుకుంటున్నారా..? వాళ్లు వేసేకున్న చొక్కాలు. ఏంటీ చొక్కాల గురించి మాట్లాడుకునేంతగా ఏముంది అంటారా..?

ఎన్డీఆర్ ఘాట్ కు వచ్చిన నటుడు, హిందుపురం ఎమ్మెల్యే బాలకృష్ణ తన తండ్రి స్థాపించిన తెలుగుదేశం పార్టీ కలరైన పసుపు రంగు చొక్కా వేసుకొని వచ్చారు. నారా చంద్రబాబు నాయుడుతో పాటు కలిసి తన తండ్రికి నివాళి అర్పించారు. కానీ హరికృష్ణ మాత్రం పసుపు పచ్చ చొక్కా కాకుండా ఎరుపు చొక్కా వేసుకొచ్చారు. అయితే బాలకృష్ణ ప్రస్తుతం తెలుగుదేశం పార్టీలో కీలకంగా మారారని, కానీ హరికృష్ణ మాత్రం పార్టీకి కాస్త దూరంగా ఉన్నారని అందుకే అలా పసుపు చొక్కా వేసుకొని రావడానికి ఇష్టపడి ఉండరని సమాచారం. ఏది ఏమైనా అక్కడికి వచ్చిన వారు మాత్రం బాలకృష్ణ, హరికృష్ణల గురించే మాట్లాడుకున్నారు.

*అభినవచారి*