మాస్టర్ ప్లాన్ ప్రకారం.. ఏపీ రాజధాని ఇలా వుంటుందట!

Posted: 05/25/2015 06:30 PM IST

ఏపీ రాజధాని విషయమై సింగపూర్ ప్రభుత్వం గతకొన్నాళ్ల నుంచి మాస్టర్ ప్లాన్ సిద్ధం చేస్తున్న విషయం తెలిసిందే! చివరికీ ఆ బృహత్తర ప్రణాళికను మంత్రి ఈశ్వరన్ ముఖ్యమంత్రి చంద్రబాబుకు అందజేశారు. హైదరాబాద్ లో ఈమేరకు జరిగిన సమావేశంలో సింగపూర్ కు చెందిన సుర్బానా సంస్థ సీఈవో.. మాస్టర్ ప్లాన్ ప్రకారం ఏపీ రాజధాని నిర్మాణం ఏ విధంగా వుంటుందో స్పష్టంగా వివరించారు. ఆ వివరాలు క్రింది విధంగా వున్నాయి.

* సీఆర్డీఏ పరిధిని ఏడు కారిడార్లుగా విభజించారు.
* 270 కిలోమీటర్ల విస్తీర్ణంతో రాజధాని నిర్మాణం జరుగుతుంది.
* విజయవాడ నుంచి బెంగుళూరు, చెన్నై, విశాఖపట్నం దిశగా ప్రధాన రహదారుల నిర్మాణం
* ఎక్స్ ప్రెస్ వే 60 కిలోమీటర్లు విస్తరించి నిర్మించడం
* రాజధాని చుట్టుపక్కల ప్రాంతాలను కలుపుతూ రింగ్ రోడ్డు ఏర్పాటు చేయడం
* నాలుగు లేన్ల రోడ్లు నగరం మొత్తం విస్తరించేలా నిర్మాణం చేపట్టడం
* కృష్ణాతీరం రాజధానికి మరింత అనుకూలంగా మారనుంది.
* కోటీ పదిలక్షల మందికి తగ్గట్టు రాజధాని నిర్మాణం జరగనుంది.

ఇలా ఈ విధంగా రాజధాని నిర్మాణం వుంటుందని సుర్బానా సంస్థ సీఈవో వెల్లడించారు. ముఖ్యంగా ఈ ప్లాన్ వాస్తు ప్రకారం వుండటం విశేషం. త్వరలోనే ఈ ప్లాన్ ప్రకారం రాజధాని నిర్మాణం జరగనుందని ఆయనతోపాటు ఏపీ సీఎం చంద్రబాబు వెల్లడించారు.