ITEMVIDEOS: రెండు రోజుల చిన్నారి నడిచాడు.. కాదు నడిపించారు

Posted: 05/22/2015 01:08 PM IST

టెక్నాలజీ బాగా పెరిగిపోయింది. ఎక్కడ ఏం జరుగుతుందో ఇట్టే తెలిసిపోతుంది. ఇలా అన్నింటా ముందుంటున్న మన ఇండియాలో ఇప్పటికే పాతకాలం మనుషుల్లాగా ప్రవర్తించే వారున్నారు. మూడ నమ్మకాలను పాటించే వారు ఇప్పటికీ వాటిని నమ్ముతున్నారు. తాజాగా అస్సాంలో జరిగిన ఘటన చూస్తే మీకే పాపం అనిపిస్తుంది. కేలవం రెండంటే రెండో రోజుల పసికందును నడిపించే ప్రయత్నం చేశారు. ఏంటీ రెండు రోజుల వయస్సు గల చిన్నారిని నడిపించారా..? అని ఆశ్చర్యపోకండి. ఎందుకంటే అది వాస్తవంలో జరిగింది. అసలు ఏం జరిగిందో తెలుసుకోవాలంటే ఈ స్టోరీ చూడాల్సిందే.

అస్సాంలో ఇదో దారుణం. రెండురోజుల చిన్నారిని ఓ మంత్రగత్తె సలహాపై బలవంతంగా నడిపించారు. గ్రామస్తులంతా చూస్తుండగానే ఆ బాలుడి తలిదండ్రులు ఇలా ఆ చిన్నారి మెడపట్టుకుని నడిపించారు. ఆ బాలుడికి తీవ్రమైన జ్వరం వస్తుండడంతో.. తలిదండ్రులు ఓ మంత్రగత్తెను ఆశ్రయించారు. జ్వరం తగ్గాలంటే ఇలా బలవంతంగా... బట్టలు లేకుండా నడిపించాలని ఆ మంత్రగత్తె చెప్పిందట. నిరక్షరాస్యులు, మూఢాచారాలను నమ్మే ఆ పేరెంట్స్ అలాగే చేశారు. మోరిగాన్ గ్రామంలో జరిగిన ఈ ఘటనను ఎవరో మొబైల్‌లో చిత్రీకరించి పోలీసులకు పంపారు. పోలీసులు వెంటనే స్పందించి ఆ గ్రామానికి చేరుకుని ఆ మంత్రగత్తెను అరెస్టు చేసి శిశువును ఆసుపత్రికి తరలించారు. ఆస్పత్రిలో ఆ చిన్నారి కోలుకుంటున్నాడు.

*అభినవచారి*