భూకంప బాధితుల పట్ల స్సైస్ జెట్ ఔదార్యం..

Posted: 04/28/2015 01:25 PM IST

కాకావికళమైన భూతలస్వర్గం నేపాల్ లో .. ప్రకృతి ప్రకోపం జడలు విప్పి విధ్వంసం చేయడంతో.. క్షణాల్లో తమ కళ్ల ముందు చోటుచేసుకున్న పరిణామాలతో ధు:ఖ సాగరంలో మునిగిన మన దేశీయులను తీసుకురావడంతో చౌకధర విమానయాన సంస్థ స్పైస్ జెట్.. తన ఔదార్యన్ని చూపింది. విషాదసాగరంలో మునిగి.. కట్టబట్టలతో విఘత జీవులుగా మారిన బాధితులను ఒక్క రూపాయి ధరకే తీసుకురానున్నట్లు ప్రకటించింది. నేపాల్‌కు రెండురోజుల పాటు సాయంత్రం సర్వీసుల టికెట్‌ బేస్‌ ధరను రూపాయికి తగ్గిస్తున్నట్లు స్పైస్‌జెట్‌ ప్రకటించింది.

ప్రస్తుతం నేపాల్‌కు నడుపుతున్న రెండు విమానాలు కాకుండా, అక్కడ చిక్కుకున్న భారతీయుల తరలింపునకు సాయంకాల వేళల్లో మరో రెండు ప్రత్యేక విమానాలను నడపనున్నట్లు తెలిపింది. ఈ ప్రత్యేక విమానాల వివరాల కోసం ఎన్‌జిఒలు, ఇతర సహాయక సంస్థలను సంప్రదించాలని పేర్కొంది. దీంతోపాటు దేశీయంగా 1.5 లక్షల సీట్లను 999 రూపాయలకే అందించనున్నట్లు కంపెనీ విడిగా మరో ప్రకటనలో తెలిపింది.

జి.మనోహర్