అత్తరుసాయిబో రారా అని ఓ ఎంపీని పిలుస్తున్న హిజ్రాలు

Posted: 04/25/2015 09:05 AM IST

Rajya sabha passed historic private bill to promote transgender rights

హిజ్రా.. ఈ పేరు వింటేనే చాలా మందికి చిరాకు వస్తుంటుంది. సమాజంలో ఎంతో మంది వీరిని అసహ్యంగా చూస్తుంటారు. అయితే హిజ్రాలకు ఇక మీదట అందరి దక్కినట్లే సమాన అవకాశాలు కలుగుతాయి. ఇలా తమకు సమాన అవకాశాలు కల్పించేలా చేసిన ఓ ఎంపీ చుట్టూ చేరి వాళ్లు పాటలు పాడుతున్నారు. అది కూడా ఎంతో ఫేమస్ తెలుగు పాట... అత్తరు సాయిబో రారా.. అందబాడా రారా అంటున్నారు. ఇంతకీ హిజ్రాలు అంతలా సంతోషించడానికి గత కారణం ఏంటనేగా మీ అనుమానం. హిజ్రాల హక్కులకు రక్షణ కల్పిస్తు రాజ్యసభలో ఓ బిల్ పాస్ అయింది. అయితే ఆ బిల్ పాస్ కావడానికి, ఆమోదం పొండానికి డిఎంకె ఎంపీ తిరుచి ఎన్.శివ ఎంతో కీలకంగా వ్యవహరించారు. అందుకే ఎంపీని పొగుడుతూ హిజ్రాలు డ్యాన్స్ లు చేశారు.

ముఖ్యాంశాలు..
*దేశంలోని హిజ్రాల హక్కుల రక్షణ అంశానికి సంబంధించిన ప్రైవేట్ బిల్లును రాజ్యసభ ఏకగ్రీవంగా ఆమోదించింది.
* ‘ది రైట్స్ ఆఫ్ ట్రాన్స్‌జెండర్ పర్సన్స్ బిల్-2014’ ను డీఎంకే ఎంపీ తిరుచ్చి శివ సభలో ప్రవేశపెట్టారు.
* తిరుచి ఎన్.శివ బిల్లుపై ఓటింగ్ కు పట్టుబట్టారు.
* హిజ్రాల హక్కుల రక్షణపై అందరూ సానుకూలంగానే ఉన్నందున ఏకగ్రీవంగా ఆమోదిద్దామన్న మంత్రి అరుణ్‌జైట్లీ.
* ప్రభుత్వానికి మంచి అవకాశమని, బిల్లును ఆమోదించాలన్న కాంగ్రెస్ నేత రేణుకాచౌదరి
* మాజీ ప్రధాని మన్మోహన్‌తో పాటు 19 మంది కేంద్ర మంత్రులు, అధికార సభ్యుల మద్దతు ప
*45 సంవత్సరాల తర్వాత ఓ ప్రవేట్ బిల్ ఏకగ్రీవంగా ఆమోదం పొందడం తొలిసారి
*ట్రాన్స్ జెండర్స్ కోసం నేషనల్ కమీషన్ ఏర్పాటు బిల్ ఉద్దేశం
*ప్రైవేట్ వ్యక్తుల బిల్ పాస్ కావడం ట్రాన్స్ జెండర్ బిల్ తో కలిపి 15వ ది
*విద్య, ఆరోగ్యం, జాబ్స్, ఫైనాన్సియల్ గా ట్రాన్స్ జెండర్స్ కు రిజర్వేషన్ కల్పిస్తారు

దేశంలో 4.5 లక్షల మంది హిజ్రాలు ఉన్నట్లు రికార్డుల్లో ఉందని.. కానీ 20 నుంచి 25 లక్షల మంది వరకు ఉన్నట్లు పలు నివేదికలు చెబుతున్నాయని తిరుచ్చి పేర్కొన్నారు. వారి హక్కులకు ఎలాంటి గుర్తింపు లేనందున వివక్షకు గురవుతున్నారని, ఈ బిల్లు చట్ట రూపం దాల్చితే వారి హక్కులకు రక్షణ లభిస్తుందన్నారు.

*అభినవచారి*