భిహెచ్ఈఎల్ కు రూ. 5 వేల కోట్ల కాంట్రాక్టు

Posted: 03/30/2015 08:29 PM IST

భారత భారీ విద్యత్ పరికరాల సంస్థ బిహెచ్ఈఎల్ పరిశ్రమకు 5000 కోట్ల రూపాయల కాంట్రాక్టు దక్కింది. ప్రపంచీకరణ విధానంతో అనేక దేశాల నుంచి వస్తున్న ఆర్డర్లతో విలసిల్లని భెల్.. గత కొంత కాలంగా ఆర్డర్ల తగిన సంఖ్యలో లేక అందోళన చెందుతున్న క్రమంలో తెలంగాణ ప్రభుత్వం ఏకంగా 5000 కోట్ల రూపాయల కాంట్రాక్టును అందించింది. ఇవాళ ఈ విషయాన్ని సంస్థ అధికారులు వెల్లడించారు. తెలంగాణలోని ఖమ్మం జిల్లా మణుగూరులో 1080 మోగావాట్ల ధర్మల్ పవర్ ప్లాంట్ ను ఏర్పాటు చేసే కాంట్రాక్టు లభించింది.

ఈ మేరకు తెలంగాన రాష్ట్ర విద్యుత్ కార్పోరేషన్ తో బిహెచ్ఈఎల్ కు ఓప్పందం కుదిరిందని, ప్రాజెక్టుకు ఇంజనీరింగ్, వస్తువులను సమకూర్చుకోవడంతో పాటు విద్యత్ ప్లాంట్ నిర్మాణ పనులను కూడా చేపట్టేందుకు భెల్ సమ్మతించడంతో ఈ కాంట్రాక్టు లభించింది. పవర్ ప్లాంట్ లో రెండు ఏళ్లో విద్యత్ ఉత్పత్తిని ప్రారంభించడమే లక్ష్యంగా ఈ ఒప్పందం జరిగింది. ధర్మల్ విద్యత్ కేంద్రంలో 270 మెగావాట్లకు చెందిన నాలుగు యూనిట్లును నెలకొల్పనున్నారు.

ఈ ఆర్డరులో బిహెచ్ఈఎల్ తిరుచ్చి, హైదరాబాద్, హరిద్వార్, భూపాల్, రాణిపేట్, బెంగుళూరు మరియు ఝాన్సీలకు చెందిన యూనిట్లు భాగం పంచుకోనున్నాయి. సంస్థ నిర్మాణ పనులను పశ్చిమ ప్రాంతం విభాగంతో చూసుకోనుంది. దీంతో పాటు సివిల్ నిర్మాణ పనులు, ప్లాంట్ ఏర్పాట్లు, అన్ని నిర్వహించనుందని భెల్ అదికారులు చెప్పారు. మరో మూడేళ్ల కాలంలో మణుగూరు పవర్ ప్లాంట్ నుంచి మరో మూడేళ్లలో విద్యుత్ ఉత్పత్తిన ప్రారంభిస్తామని, దీంతో పాటు తెలంగాణ ప్రభుత్వం రాష్ట్రం మొత్తంలో 6000 మోగావాట్ల విద్యత్ ఉత్పత్తికి తమతో అగ్రిమెంటు చేసుకుందని భెల్ అధికారులు వివరించారు.

 

జి. మనోహర్