ఎయిర్ ఏసియా ప్రమాదానికి ఫైలట్ నిర్లక్షమే కారణమా..?

Posted: 01/31/2015 07:35 PM IST

ఇండోనేషియాలోని జావా సముద్రంలో కుప్పకూలిన ఎయిర్ ఏషియా విమానం ప్రమాదానికి పైలట్ నిర్లక్ష్యమే కారణంగా తెలుస్తోంది. విమానం సముద్రంపై దిగేంత వరకు భద్రంగానే ఉన్నట్లు 'ది మిర్రర్' కథనంలో పేర్కొంది. 162 మంది ప్రయాణికులతో ఇండోనేసియా నుంచి సింగపూర్ వెళుతున్న ఎయిర్ బస్ ఎ320 జెట్ విమానం గత డిసెంబర్ 28న జావా సముద్రంలో కుప్పకూలడంతో అందులో ఉన్న వారంతా జలసమాధి అయ్యారు. విమానం బ్లాక్ బాక్సు లభ్యం కావడంతో దానిని డిటెక్ట్ చేయడంతో పాటు దర్యాప్తు చేస్తున్న అధికారుల నుంచి లభ్యమైన సమాచారం మేరకు ఈ విషయాలు వెలుగులోకి వచ్చాయి.

విమానం సముద్రంపై దిగేంత వరకు ఎటువంటి ప్రమాదం జరుగలేదని  'ది మిర్రర్' తెలిపింది. నీళ్లపై కొంత దూరం ప్రయాణించిన తరువాత విమానం మునిగిపోయనట్లు ఆ కథనంలో పేర్కొంది. మునిగిపోక ముందు విమానానికి ఎలాంటి ప్రమాదం జరుగకపోవడం వల్లే ఈఎల్టీపై ప్రభావంలేదని తెలిపింది. విమానం కెప్టన్ తన స్థానం నుంచి లేచి వెళ్లిన కొద్ది క్షణాలకే ఈ ప్రమాదం చోటు చేసుకుందని, ఆ సమయంలో విమానాన్ని నడుపుతున్న సహ ఫైలట్ విమానాన్ని కంట్రోల్ చేయడంలో విఫలమయ్యారని అంతర్జాతీయ మీడియాలో కథనాలు వెలువడుతున్నాయి.

జి. మనోహర్