Bollywood actress mamta kulkarni husband detained in kenya for drug trafficking

Mamta Kulkarni, Vicky Goswami, Jailed, Kenya police, Drug, Drug trafficking, Mamta Kulkarni Detained, bollywood heroine, drugs case, detained in kenya

Bollywood actress mamta kulkarni, husband detained in kenya for drug trafficking​

కెన్యాలో భర్తతో పాటు నటి మమతా కులకర్ణి అరెస్ట్..

Posted: 11/13/2014 03:17 PM IST
Bollywood actress mamta kulkarni husband detained in kenya for drug trafficking

బాలీవుడ్ వెండితెరపై తన అభినయంతో చెరగని ముద్రను వేసిన గత తరం హీరోయిన్ మమతా కులకర్ణిని కెన్యా పోలీసులు అరెస్టు చేశారు. ఆమెతో పాటు అమె భర్త విక్కి గోస్వామిని కూడా కెన్యా పోలీసులు అదుపుతోకి తీసుకున్నారు. వీరు కెన్యాలో మాదకద్రవ్యాలు సరఫరా చేస్తున్నారన్న అభియోగాలపై అక్కడి పోలీసులు అరెస్టు చేశారు. ఈ విషయాన్ని జాతీయ మీడియా వెల్లడించింది. కెన్యాలోని డ్రగ్స్ ఎన్ఫోర్స్మెంట్ ఏజెన్సీ, మొంబాసా పోలీసులు కలిసి సంయుక్తంగా చేపట్టిన ఆపరేషన్లో వీరిద్దరినీ అరెస్టు చేసినట్లు చెబుతున్నారు. 90ల కాలంలో బాలీవుడ్ హీరోయిన్గా వెలుగొందిన మమతా కులకర్ణి దాదాపు దశాబ్ద కాలం నుంచి మీడియాకు దూరంగా గడుపుతున్నారు. చిట్ట చివరి సారిగా దేవానంద్ తీసిన సెన్సార్ అనే సినిమాలో 2001లో ఆమె కనిపించారు.

దుబాయ్లో కొంతకాలం అజ్ఞాతంగా గడిపిన అనంతరం ఆమె నైరోబీకి వెళ్లిపోయారు. ఆమె స్నేహితుడు, అంతర్జాతీయ డ్రగ్స్ వ్యాపారి విజయ్ 'విక్కీ' గోస్వామితో కలిసి ఆమె దుబాయ్ వెళ్లినట్లు తొలుత కథనాలు వచ్చాయి. తర్వాత అతడిని పెళ్లిచేసుకుంది. విక్కీని పోలీసులు దుబాయ్లో 1997లో డ్రగ్స్ కేసులో అరెస్టుచేయగా, 25 ఏళ్ల జైలుశిక్ష పడింది. అతడిని చూసేందుకు మమత కూడా జైలుకు వెళ్లారు. అప్పట్లో తెల్లబడిపోయిన జుట్టు, కళ్లజోడుతో దుబాయి జైలుకు వెళ్లినప్పుడు ఆమెను అక్కడి మీడియా గుర్తుపట్టి ఫొటోలు ప్రచురించింది. అయితే.. సత్ప్రవర్తన కారణంగా మమత భర్త విక్కీని గత నవంబర్ 15న విడుదల చేశారు. ఆ తర్వాతే వీళ్లిద్దరూ కలిసి నైరోబీకి వెళ్లిపోయినట్లు తెలిసింది. తాజాగా నైరోబీలో డ్రగ్స్ కేసులో భార్యాభర్తలు ఇద్దరినీ అక్కడి పోలీసులు అరెస్టుచేశారు.

జి మనోహర్

If you enjoyed this Post, Sign up for Newsletter

(And get your daily news straight to your inbox)

Other Articles