ఒకప్పుడు ఎన్నారై సంబంధమంటే ఎగిరిపడ్డ అమ్మాయిలు., ఇప్పుడు ఫారిన్ అంటే పక్కనబెడుతున్నారు. ఇక్కడ ఉండే వారిని ఎక్కువగా ఇష్టపడుతున్నారు. ఇది ఏదో తమాషాగా చెప్తున్న మాటలు కాదు.., ఓ సంస్థ సర్వే చేసి మరి నిజాలను వెలికి తీసింది. జీవితంలో కీలకమైన పెళ్లి పట్ల అమ్మాయిలు ఒకప్పటిలా ఆలోచించటం లేదు. ప్రతి విషయాన్ని క్షుణ్ణంగా పరిశీలిస్తున్నారు. పెద్దలు ఎలా చెప్తే అలా కాకుండా.., తమకంటూ అభిప్రాయాలను, ఆకాంక్షలను ఏర్పర్చుకుని అందుకు తగ్గట్లుగా వరుడిని ఎంపిక చేసుకుంటున్నారు. డబ్బు కంటే తమను ఎక్కువ ప్రేమగా చూసుకునే వారు అయితే బాగుంటుంది అని ప్రస్తుతం అమ్మాయిలు భావిస్తున్నట్లు ఓ పోర్టల్ నిర్వహించిన సర్వేలో అభిప్రాయాలు వెల్లడయ్యాయి.
ప్రస్తుత కాలంలో అబ్బాయిలతో పాటు అమ్మాయిలు కూడా ఉద్యోగాలు చేస్తున్నారు. కాబట్టి వారికి డబ్బు ఇప్పుడు అంత అవసరం కాదు. డబ్బుకంటే విలువైన ప్రేమ, అనురాగాలను కోరుకుంటున్నారు. ఫారిన్ సంబంధం అయితే పెళ్ళి అయి అక్కడకు వెళితే భర్తతో పాటు ఉద్యోగం చేయాలి.. లేదా భర్త ఒక్కడే ఉద్యోగం చేస్తే.., అతడు ఆఫీసుకు వెళ్ళి వచ్చే వరకూ ఒంటరిగా ఇంట్లో ఉండాలి. సాయంత్రం వచ్చే భర్త మాట్లాడుకోవటానికి కూడా వీలు లేనంతగా అలిసిపోయి పడకగదికి పరిమితం అవుతాడు. అంతేకాకుండా ఫారిన్ లో అయితే మన అనుకునే వారు తక్కువగా ఉంటారు. ఇద్దరే జీవితాంతం ఉండాల్సిన పరిస్థితి. దీన్ని ఈ తరం అమ్మాయిలు కోరుకోవటం లేదని సర్వే చెప్తోంది.
ఇక భారతదేశాన్ని గౌరవించలేని, ప్రేమించలేని వారిని కూడా తాము కోరుకోమని స్పష్టంగా చెప్తున్నారట. భారతీయ విలువలు, సంప్రదాయాలను వ్యతిరేకించే ఎన్నారై అబ్బాయిల్ని 51.7 శాతం నిర్మొహమాటంగా తిరస్కరించారని సర్వే వెల్లడించింది. అంతేకాదు విదేశాలకు వెళ్లి అక్కడి కల్చర్ అలవాటు చేసుకున్న వారినీ 66.7 శాతం మంది యువతులు తిరస్కరించారట. అటు కొద్దికాలంగా భార్యలపై దాడులు చేస్తున్న ఎన్నారైల సంఖ్య పెరగటం కూడా ఇందుకు ఒక కారణంగా చెప్తున్నారు. మహిళలకు దేశ భక్తి పెరగటంతో పాటు వారి జీవితం పట్ల ఏర్పడిన శ్రధ్ద, తీసుకుంటున్న జాగ్రత్తలు ఈ నిర్ణయాలకు కారణం అవుతున్నాయని సర్వే చెప్తోంది. సో ఎన్నారై అబ్బాయిలూ.. భారత అమ్మాయిలు కావాలంటే ఇక్కడకు రావాల్సిందే. లేకపోతే ఎన్నారై బ్యాచిలర్ గా ఉండాల్సిందే. జాగ్రత్తగా డిసైడ్ చేస్కోండి.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more