https://www.teluguwishesh.com/
వీడు ఆరడుగుల బుల్లెట్టు అనే పాట పవన్ కళ్యాణ్ ను ఉద్దేశించి అత్తారింటికి దారేదిలో ఓ పాట ఉంది. అయితే ఉత్తరప్రదేశ్ లో ఉన్న ఈ బాలుడిని చూస్తే మాత్రం వీడు ఆరడుగుల బుడతడురోయ్ అని మార్చి పాడుకుంటారంతా. ఆ బాలుడి ఎత్తు అలాంటిది. ఐదడుగుల వయస్సంటే కనీసం డైనింగ్ టేబుల్ కుర్చీ మీద సరిగా కూర్చోలేరు. అలాంటిది ఈ అబ్బాయి మాత్రం ఏకంగా డైనింగ్ టేబులే ఎక్కేస్తున్నాడు. ఇదంతా యూపీకి చెందిన పొడుగు పిల్లాడు కరణ్ సింగ్ గురించి. ఐదేళ్ల వయస్సున్న కరణ్ సింగ్ ఎత్తు ప్రస్తుతం 5అడుగుల 7 అంగుళాలు.
మీరు చదువుతున్నది వాస్తవమే.. కావాలంటే పైన ఫొటో చూసుకోండి. తన వయస్సున్న వారితో కరణ్ ను ఎత్తును కొలిచినపుడు ఎంత పొడవు ఎక్కువగా ఉన్నాడో తెలుస్తుంది. త్వరలోనే గిన్నిస్ బుక్ రికార్డుల్లోకి ఎక్కే ఈ బుడతడిని చూసి స్కూళ్లో మొదట్లో పిల్లలు భయపడ్డారట. అంతా ఒక హైటు ఉంటే కరణ్ మాత్రం ఏపుగా ఎదిగాడు. దీంతో పెద్దవాడు.., తమను కొడతారని ఎవరూ దగ్గరకు కూడా వెళ్లేవారు కాదట. అయితే తమ వయస్సే అని తెలుసుకుని ఇప్పుడిప్పుడే స్నేహితులు అవుతున్నారట. ఇంతకీ ఈ ఎత్తు జన్యుపర లోపం అనుకుంటే తప్పే.. ఇది జన్యువారసత్వం వల్ల వచ్చింది. అవును కరణ్ తల్లి ఏడడుగులు యూపీ ఆడపడుచు.
కరణ్ తల్లి స్వెత్లానా సింగ్ ప్రస్తుతం ఏడు అడుగుల రెండు అంగుళాల ఎత్తు ఉంది. అమ్మాయిల్లో మెజార్టీ వయస్సు రాగానే ఎత్తు పెరగటం ఆగిపోతుంది. అయితే చిత్రం ఏమిటంటే స్వెత్లానాసింగ్ లో మాత్రం ఇప్పటికీ పెరుగుదల ఉంది. ప్రతి సంవత్సరం రెండు అంగుళాల చొప్పున ఎత్తు పెరుగుతుంది. ప్రస్తుతం ఈమె వయస్సు 25సం.లు. ఇలాగే పెరిగితే పొడవైన మహిళగా విదేశీయురాలిపై ఉన్న రికార్డును స్వెత్లానా చెరిపేయటం ఖాయం. తన భార్య ఎదుగుదలపై ఆమె భర్త సంజయ్ సింగ్ ఏమన్నాడంటే.., ‘‘ఏడేళ్ల క్రితం మా పెళ్లి అయినపుడు నా భార్య ఎత్తు 6.6అడుగులు ఇప్పుడు మాత్రం 7.2 అడుగులు ముందు ఇద్దరం ఒకే ఎత్తులో ఉండి సరిజోడిలా కన్పించేవాళ్ళం. కాని ఇప్పుడు నా భార్య ఎత్తుకు ఎదిగిపోయింది. తనను చూడాలంటే తలెత్తుకునేలా చేసింది.’’ అని నవ్వుతూ చెప్తున్నాడు.
ఇక తల్లి, కొడుకుల ఎత్తులను చూసిన విదేశీ మీడియా ఆశ్చర్యపోతోంది. వీరి దగ్గరకు వచ్చి, ఫొటోలు, వీడియోలు తీసి ప్రసారాలు చేస్తున్నారు. టాల్ ఫ్యామిలీ అని తెగ పొగిడేస్తున్నారు. వీరు ఎత్తు పెరిగేందుకు ఏ మందు తీసుకోలేదు. ఏ మాత్ర వేసుకోలేదు. అది ఏదో అలా జరిగిపోయింది అని చెప్తున్నారు.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
