స్నేక్ గ్యాంగ్ లో మరో ఐదుగురి అరెస్టు

Posted: 09/03/2014 11:11 AM IST

స్నేక్ గ్యాంగ్ పై ప్రత్యేక దృష్టిపెట్టిన సైబరాబాద్ పోలిసలు తాజగా మరో ఐదుగురు నిందితులను అరెస్టు చేశారు. పహాడిషరీఫ్ ప్రాంతంలో మంగళవారం అర్ధరాత్రి నిర్వహించిన ప్రత్యేక తనిఖీల్లో ఐదుగురిని అదుపులోకి తీసుకున్నట్లు సైబరాబాద్ పోలిస్ కమిషనర్ సీవీ ఆనంద్ తెలిపారు. అర్ధరాత్రి నుంచి ఉదయం వరకు పహాడిషరీఫ్ ప్రాంతంలోని షాహిన్ నగర్ ఇతర ఏరియాల్లో 400మంది పోలిసులు అణువణువూ జల్లెడపట్టారు. ప్రతి ఇంటిలో సోదాలు నిర్వహించారు. అనుమానితులను అదుపులోకి తీసుకుని ప్రశ్నించారు.

అర్ధరాత్రి తనిఖీల సందర్బంగా పలువురు రౌడీషీటర్లను కూడా అదుపులోకి తీసుకున్నారు. స్నేక్ గ్యాంగ్ కు సంబంధించి ఇప్పటివరకు 13మందిని గుర్తించగా గత రాత్రి ఐదుగురిని అరెస్టు చేశారు. అంతేకాకుండా తనిఖీల్లో ముప్పై బైకులు, రెండు కార్లు, మూడు వ్యాన్లు సీజ్ చేశారు. రెండు గుర్రాలను కూడా స్వాధీనం చేసుకున్నట్లు సీపీ వెల్లడించారు. స్నేక్ గ్యాంగ్ నిందితులు తమ దౌర్జన్యాల కోసం గుర్రాలను కూడా వినియోగించినట్లు గుర్తించామని ఆనంద్ తెలిపారు. ఈ ముఠా కోసం గాలింపు కొనసాగుతుందని స్పష్టం చేశారు.

 

కార్తిక్