గుణశేఖర్ ‘రుద్రమదేవి’ నగలు చెన్నైలో

Posted: 07/24/2014 09:25 AM IST

Rudramadevi movie jewellery sets in chennai

గత వారం .. హైదరాబాదర్ రామనాయుడు స్టూడియోలో జరుగుతున్న ‘రుద్రమదేవి ’ సినిమా షూటింగులోని నగలు మాయం అయిన విషయం తెలిసిందే. గుణశేఖర్ దర్శకత్వంలో హీరోయిన్ అనుష్క నటించిన రుద్రమ దేవి సినిమా కోసం ప్రత్యేకంగా బంగారు నగలు చేయించటం జరిగింది. కిలోన్నర బంగారం కలిగిన నగలను షూటింగ్ స్పాట్ నుండి మాయం చేయటం జరిగింది. దీంతో దర్శకుడు, నిర్మాతల పోలీసులు ఫిర్యాదు చేయటంతో పోలీసులు రంగంలోకి దిగటం జరిగింది. ఈ నెల 19న రుద్రమదేవి నగలు అదృశ్యమయ్యాయి. కేవలం సహజత్వం కోసం సినిమా షూటింగ్‌లో అచ్చమైన బంగారమే వాడుతున్నట్లు గతంలోనూ యూనిట్ సభ్యులు తెలిపారు.

రుద్రమదేవి సినిమా షూటింగ్‌లో నగలు మాయంపై దర్యాప్తులో పోలీసులు కొంతమేర పురోగతి సాధించినట్లు తెలిసింది. మాయమైన నగలు చెన్నైలో లభ్యమైనట్లు సమాచారం. కొందరు వ్యక్తులు ఇచ్చిన సమాచారం మేరకు పోలీసు బృందం చెన్నైకి వెళ్లినట్లు తెలుస్తోంది. దీని ఆధారంగా నగలు అక్కడికి తీసుకొచ్చిన వారిపై ఖాకీలు ఆరా తీస్తున్నారు.

అసలు నగలు తీసుకెళ్లింది ఎవరు..? వాళ్లు ఎక్కడి నుంచి వచ్చారంటూ ఆరా తీయడం మొదలుపెట్టారు. ఇదిలావుండగా చోరీకి గురైన కిలోన్నర నగలులో... రోల్డ్‌ గోల్డ్ ఎంత..? బంగారు ఎంత..? అనేది ఇప్పటికీ క్లారిటీ లేదు. దీంతో పోలీసులకు కొత్త కష్టాలు వచ్చి పడ్డాయి. ఇక ఆ గుణశేఖరుడే.. పోలీసులకు సాయం చేస్తే.. కాకి బంగారం ఎంతో.., మంచి బంగారం ఎంతో తెలిసిపోతుందని .. పోలీసు అధికారులు అంటున్నారు. దేవి నగలు దొరికిన విషయం తెలియటంతో.. రుద్రమదేవి షూటింగ్ సభ్యులు కొంచెం ఊపిరీ పీల్చుకున్నారు.